قر پرەمەر-مينيسترٸنٸڭ ورىنباسارى ەرالى توعجانوۆ قازاقستان اۋماعىندا «Pfizer»-دٸ قولدانۋ اياسىنىڭ كەڭەيۋٸنە قايرات بورانباەۆتىڭ ۇستالۋىنىڭ ەش قاتىسى جوق ەكەنٸن ايتتى, دەپ حابارلايدى قازاقپارات.
«Pfizer» ەكپەسٸن قازاقستاندىقتاردىڭ جاپپاي سالدىرۋىنا جول اشاتىن شەشٸم شىققان ەدٸ. مۇنىڭ قايرات بورانباەۆتىڭ ۇستالۋى ەسەر ەتكەن جوق پا», - دەپ سۇرادى باق ٶكٸلدەرٸ ٷكٸمەت وتىرىسىنان كەيٸن ۆيتسە-پرەمەر ەرالى توعجانوۆتان.
«ونىڭ ەشقانداي قاتىسى جوق. ول ازاماتتىڭ (كەسٸپكەر قايرات بورانباەۆتىڭ - رەد.) كومپانيياسى "سپۋتنيكپەن" بايلانىستى عوي. سوندىقتان «Pfizer»-گە ەشقانداي بايلانىسى جوق. بٷگٸن بٸزدە «Pfizer»-دٸڭ 2 ميلليوننان استام دوزاسى بار. ونى ازاماتتاردىڭ تولىقتاي الۋىنا مٷمكٸندٸگٸ بار. ونىمەن قوسا بٸزدە قىتايدىڭ ۆاكتسيناسى دا جەتكٸلٸكتٸ. ەلٸ 2 ميلليونعا جۋىق دوزاسى بار. ونىمەن قاتار ٶزٸمٸزدٸڭ ۆاكتسينا بار. اي سايىن 500 مىڭ دوزا شىعىپ جاتىر. سوندىقتان قازٸر ازاماتتارعا ٷش تٷرلٸ ۆاكتسينا بويىنشا تولىقتاي مٷمكٸندٸك بەرٸپ وتىرمىز», - دەدٸ ەرالى توعجانوۆ.
