Qazaqstanda qoldanylatyn barlyq vaktsina tiimdi ári qaýipsiz. Bul týraly QR Premer-Ministriniń orynbasary Eraly Toǵjanov aitty, dep habarlaidy "Ult aqparat".
«Qazaqstanda qoldanylatyn barlyq vaktsina tiimdi ári qaýipsiz ekendigin málimdeimiz. Sóz joq, Qazaqstanda epidemiologiialyq jaǵdai turaqtandy. Nur-Sultan qalasynda biraz másele bar. Keshe ǵana Densaýlyq saqtaý ministrimen otyrys ótkizip, birqatar máseleleni talqyladyq. Biraq, jaǵdai turaqtaldy dep qol qýsyryp otyrýǵa haqymyz joq», - dedi Úkimet basshysynyń orynbasary Ortalyq kommýnikatsiialar qyzmetindegi brifingide.
Eraly Toǵjanov saqtyq sharalaryn qatań saqtaý qajettigin de basa aitty.
«Maska kiiý, áleýmettik araqashyqtyqty saqtaý jáne basqa da saqtyq is-sharalaryn qoldaný kúndelikti ádetimizge ainalýy kerek. Vaktsina alǵan kúnniń ózinde osyndai saqtyq is-sharalaryn qoldanǵanymyz búginde artyq etpeidi», - dedi ol.
