Qazaqstannyń vitse-ministrleri men memlekettik organdary departamentteri basshylary Estoniiadaǵy Elektrondyq basqarý akademiiasy (eGA) ázirlegen memlekettik basqarýdyń tsifrlyq transformatsiiasy boiynsha bes aptalyq oqytý treningine qatysýda.
Trening barysynda halyqaralyq sarapshylar tsifrlandyrýdyń sońǵy álemdik tendentsiialar, Estoniia, Ulybritaniia, Daniia jáne Singapýrdaǵy ozyq tájiribeler jáne biznes modeldermen tanystyrady. Sonymen birge memlekettik qyzmetter reinjiniringi tiimdi ádisterin taldap, memlekettik basqarýdyń tsifrlyq transformatsiiasy jańa múmkindikterin aiqyndaidy.
Oqytý treningi ashylýynda Estoniia Ekonomika jáne kommýnikatsiia ministri Taavi Aas óz sózinde «pandemiia kóptegen elderge shekteýler men kedergilerdi eńserýge kómektesetin, úkimettiń tiimdiligin qamtamasyz etetin quraldardyń biri zamanaýi tehnologiialar men elektrondy úkimet ekenin anyqtap, kórsetkendigin» aitty. Sondai-aq, ol jeke derekterdi qorǵaýdyń barlyq qaǵidattaryn saqtai otyryp, ártúrli memlekettik organdar arasyndaǵy qaýipsiz aqparat almasýdy qamtamasyz etý qajettigin aitty.
Óz kezeginde Astana memlekettik qyzmet haby Basqarýshy komitetiniń tóraǵasy Alihan Baimenov «kóptegen úkimetterdiń kún tártibinde jalpy ekonomikada da, memlekettik basqarýda da tsifrlandyrý máselesi tur» dep atap ótti. Ol sondai-aq «tsifrly úkimetti damytýda azamattar basty nazarda bolýy tiis. Ozyq tehnologiialardy kez-kelgen asyra paidalanýshylyqty joqqa shyǵaratyn ashyq sheshim qabyldaýda, sol arqyly azmattardyń quqyǵy men bostandyǵyn saqtaýǵa kepildik berýde paidalaný mańyzdy», - dedi. «Osynyń barlyǵy sybailas jemqorlyq deńgeiin tómendetip, memlekettik qyzmetter yńǵailylyǵyn, qarapaiymdylyǵy men qol jetimdiligin qamtamasyz etýi tiis. Túptep kelgende, bular áleýmettik qundylyq ári mańyzdy ákimshilik kapital - azamattar senimin arttyrýǵa baǵyttalǵan», - dedi Alihan Baimenov.
QR Tsifrlyq damý, innovatsiialar jáne aeroǵarysh ónerkásibi vitse-ministri Asqar Jambakin búgingi tańda tehnologiialardy engizý qurylymdyq reformalardy júzege asyrýdyń tiimdi quraly ekendigin aitty. Tsifrlyq transformatsiia uǵymy tehnologiiany qoldaný aýqymynan asady, óitkeni memlekettik apparat pen jeke sektor transformatsiialanady, sáikesinshe tehnologiialardy eskere otyryp, qyzmettiń jańa tásilderi men ádisteri ázirlenedi – dedi ol.
Estoniia elektrondyq basqarý akademiiasynyń Basqarma tóraǵasy Hannes Astok Astana memlekettik qyzmet hab aiasynda Qazaqstan men Estoniianyń elektrondyq úkimetti damytý jáne tsifrlandyrý tájiribesi aimaq elderine taratylǵanyn atap ótti.
Oqý kezeńinde tyńdaýshylar memlekettik organdar úshin biryńǵai aqparattyq tehnologiialar arhitektýrasyn damytý, tsifrlyq úkimettiń zańnamalyq bazasyn ońtailandyrý, kiberqaýipsizdik pen saiasatty josparlaý, jobalardy basqarýdyń ikemdi ádisterin qoldaný jáne elektrondyq demokratiia jaǵdaiynda sheshim qabyldaý máselelerin taldap, zerdeleidi.
Sonymen qatar, «Tsifrlyq Qazaqstan» memlekettik baǵdarlamasy men «DigitEL» ulttyq jobasynyń negizgi baǵyttaryn talqylaýǵa erekshe nazar aýdarylady. Oqý baǵdarlamasyna 8 onlain sessiia jáne birqatar beine sabaqtardan turady.
Oqytý treningi Astana memlekettik qyzmet haby «Zerde» ulttyq infokommýnikatsiia holdingi», Estoniia elektrondyq basqarý akademiiasymen birlesip jáne QR Tsifrlyq damý, innovatsiialar jáne aeroǵarysh ónerkásibi ministrliginiń qoldaýymen uiymdastyryldy.
