Densaýlyq saqtaý birinshi vitse-ministri Marat Shoranov jýrnalisterdi marketingtiń qurbany bolmaýǵa shaqyrdy, dep habarlaidy QazAqparat.
«Qurmetti jýrnalister! Sizderdi jalǵan sarapshylar men arandatýshylardan aýlaq bolýǵa, marketingtiń qurbany bolmaýǵa, tek resmi kózderden alynǵan aqparatqa senýge jáne meditsina qyzmetkerleriniń usynymdaryn oryndaýǵa shaqyramyn», - dedi Marat Shoranov vaktsinatsiialaýdyń «chipteý» ekeni jaily sybys negizsiz ekenin aityp.
Onyń aitýynsha pandemiia jariialanǵaly beri bir jyl ótip, ol búkil álemdegi halyqqa saqtanýdy úiretken.
«Búkil adamzat óziniń basymdyqtary men qundylyqtaryn qaita qaraýyna májbúr boldy. Búgingi kúni búkil álem vaktsinatsiia júrgizý - bárimizdi ómirge karantinsiz oralýǵa, ekonomikany turaqtandyrýǵa, balalardy balabaqshalar men mektepterge, stýdentterdiń dáris zaldaryna oralýyna jáne jalpy otbasymyzben, áriptesterimizben, dostarymyzben qaýipsiz qarym-qatynasqa oralýǵa múmkindik beretinin túsinip otyr!» - deidi ol.
«Sondyqtan da, Ózińizdi jáne jaqyndaryńyzdy qorǵańyz!» - dedi ol.
