QR Indýstriia jáne infraqurylymdyq damý vitse-ministri Berik Kamaliev jol boiyndaǵy qyzmet kórsetý nysandary talapqa sai emes óńirlerdi atady, dep habarlaidy QazAqparat.
«Búginde respýblikalyq joldardyń boiynda qyzmet kórsetetin 1 738 nysan bar. Olardyń 1 093-i nemese 63 paiyzy Ulttyq standart talaptaryna sai keledi. Eń tómen kórsetkishter Mańǵystaý oblysynda - 45, Pavlodar oblysynda - 49 jáne Túrkistan oblysynda 49 paiyzdy quraidy. Al joǵary kórsetkishter Atyraý oblysynda - 81, Qostanai oblysynda – 75, Aqtóbe oblysynda – 74 paiyz», - dedi Berik Kamaliev Ortalyq kommýnikatsiialar qyzmetindegi baspasóz máslihaty barysynda.
Onyń atap ótýinshe, jol boiyndaǵy servis nysandaryn damytý boiynsha júrgizilgen jumystardyń qorytyndysy boiynsha oblys ákimdikteri úshin reiting jasalady.
«Biz múddeli taraptarmen birlesip, 2025 jyly jol boiyndaǵy qyzmet kórsetetin nysandardyń 100 paiyzyn Ulttyq standart talaptaryna sáikes keltirý josparyn aiqyndadyq. 2021 jyldyń sońyna deiin bul kórsetkishti 66 paiyzǵa jetkizý qajet», - dedi vitse-ministr.
