قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ بەرٸك كاماليەۆ جول بويىنداعى قىزمەت كٶرسەتۋ نىساندارى تالاپقا ساي ەمەس ٶڭٸرلەردٸ اتادى, دەپ حابارلايدى قازاقپارات.
«بٷگٸندە رەسپۋبليكالىق جولداردىڭ بويىندا قىزمەت كٶرسەتەتٸن 1 738 نىسان بار. ولاردىڭ 1 093-ٸ نەمەسە 63 پايىزى ۇلتتىق ستاندارت تالاپتارىنا ساي كەلەدٸ. ەڭ تٶمەن كٶرسەتكٸشتەر ماڭعىستاۋ وبلىسىندا - 45, پاۆلودار وبلىسىندا - 49 جەنە تٷركٸستان وبلىسىندا 49 پايىزدى قۇرايدى. ال جوعارى كٶرسەتكٸشتەر اتىراۋ وبلىسىندا - 81, قوستاناي وبلىسىندا – 75, اقتٶبە وبلىسىندا – 74 پايىز», - دەدٸ بەرٸك كاماليەۆ ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ اتاپ ٶتۋٸنشە, جول بويىنداعى سەرۆيس نىساندارىن دامىتۋ بويىنشا جٷرگٸزٸلگەن جۇمىستاردىڭ قورىتىندىسى بويىنشا وبلىس ەكٸمدٸكتەرٸ ٷشٸن رەيتينگ جاسالادى.
«بٸز مٷددەلٸ تاراپتارمەن بٸرلەسٸپ, 2025 جىلى جول بويىنداعى قىزمەت كٶرسەتەتٸن نىسانداردىڭ 100 پايىزىن ۇلتتىق ستاندارت تالاپتارىنا سەيكەس كەلتٸرۋ جوسپارىن ايقىندادىق. 2021 جىلدىڭ سوڭىنا دەيٸن بۇل كٶرسەتكٸشتٸ 66 پايىزعا جەتكٸزۋ قاجەت», - دەدٸ ۆيتسە-مينيستر.
