QR Ishki ister vitse-ministri Aleksei Kalaichidi politsiia qyzmetkerlerin baspanamen qamtý jumystary jóninde baiandady, dep habarlaidy QazAqparat.
«Ázirge politsiia qyzmetkerleriniń 46% baspana ótemaqysyn alý quqyǵy berildi. Menińshe, bul – edáýir úlken jeńildik. Qyzmetker otbasyndaǵy bir adam úshin 20-50 myń teńge aralyǵynda ótemaqy beriledi. Eger orta eseppen bir januiada 4 adam bar dep eseptesek, 80-160 myń teńge aralyǵynda tólenedi. Oǵan 150 myń teńge jalaqyny qosyńyz. Iaǵni, óz qyzmetin jańadan bastaǵan qyzmetker úshin 200 myńnan 300 myń teńgege deiingi tabys – úlken kómek dep esepteimin», - dedi vitse-ministr «Habar 24» arnasyna bergen suhbatynda.
Onyń aitýynsha, ishki ister júiesinde 34 myń qyzmetker baspanaǵa muqtaj.
«Búginde 15,5 myń qyzmetkerdiń baspana máselesin sheshtik. Taǵy bir mańyzdy qadam – qyzmetker zeinetke shyqqanda baspanany ózine qaldyrýy úshin zańnamalyq túzetýler ázirledik. Iaǵni, ekinshi deńgeili banktermen úshjaqty kelisimshart jasalady. Osylaisha, qyzmetker turǵyn úi ótemaqysyn jaldamaly páter iesine emes, óz baspanasynyń nesiesine jumsaidy», - dep túsindirdi A. Kalaichidi.
