قر ٸشكٸ ٸستەر ۆيتسە-مينيسترٸ الەكسەي كالايچيدي پوليتسييا قىزمەتكەرلەرٸن باسپانامەن قامتۋ جۇمىستارى جٶنٸندە باياندادى, دەپ حابارلايدى قازاقپارات.
«ەزٸرگە پوليتسييا قىزمەتكەرلەرٸنٸڭ 46% باسپانا ٶتەماقىسىن الۋ قۇقىعى بەرٸلدٸ. مەنٸڭشە, بۇل – ەدەۋٸر ٷلكەن جەڭٸلدٸك. قىزمەتكەر وتباسىنداعى بٸر ادام ٷشٸن 20-50 مىڭ تەڭگە ارالىعىندا ٶتەماقى بەرٸلەدٸ. ەگەر ورتا ەسەپپەن بٸر جانۇيادا 4 ادام بار دەپ ەسەپتەسەك, 80-160 مىڭ تەڭگە ارالىعىندا تٶلەنەدٸ. وعان 150 مىڭ تەڭگە جالاقىنى قوسىڭىز. ياعني, ٶز قىزمەتٸن جاڭادان باستاعان قىزمەتكەر ٷشٸن 200 مىڭنان 300 مىڭ تەڭگەگە دەيٸنگٸ تابىس – ٷلكەن كٶمەك دەپ ەسەپتەيمٸن», - دەدٸ ۆيتسە-مينيستر «حابار 24» ارناسىنا بەرگەن سۇحباتىندا.
ونىڭ ايتۋىنشا, ٸشكٸ ٸستەر جٷيەسٸندە 34 مىڭ قىزمەتكەر باسپاناعا مۇقتاج.
«بٷگٸندە 15,5 مىڭ قىزمەتكەردٸڭ باسپانا مەسەلەسٸن شەشتٸك. تاعى بٸر ماڭىزدى قادام – قىزمەتكەر زەينەتكە شىققاندا باسپانانى ٶزٸنە قالدىرۋى ٷشٸن زاڭنامالىق تٷزەتۋلەر ەزٸرلەدٸك. ياعني, ەكٸنشٸ دەڭگەيلٸ بانكتەرمەن ٷشجاقتى كەلٸسٸمشارت جاسالادى. وسىلايشا, قىزمەتكەر تۇرعىن ٷي ٶتەماقىسىن جالدامالى پەتەر يەسٸنە ەمەس, ٶز باسپاناسىنىڭ نەسيەسٸنە جۇمسايدى», - دەپ تٷسٸندٸردٸ ا. كالايچيدي.
