2021 jyldyń aqpan aiynan bastap elimizde halyqtyń jekelegen toptaryn koronavirýs infektsiiasyna qarsy ekpe salý kezeńderi bastalady. Bul týraly búgin OKQ-da ótken baspasóz máslihatynda Densaýlyq saqtaý birinshi vitse-ministri Marat Shoranov málimdedi, dep habarlaidy QazAqparat.
Onyń aitýynsha, birinshi kezekte meditsina qyzmetkerleri, ásirese juqpaly aýrýlar aýrýhanalarynyń, jedel meditsinalyq járdemniń, sondai – aq basqa da beiindegi qyzmetkerler; ekinshi kezeńde pedagogtar men kúsh qurylymdarynyń qyzmetkerleri naýryz aiynda; úshinshi kezeńde, stýdentter sáýirden bastasa, mamyr aiynda vaktsina kóleminiń jetkilikti bolýyna qarai halyqtyń qalǵan kontingenti qamtylady.
Aita ketý kerek, vaktsinatsiia 18 jasqa tolmaǵan balalarǵa salynbaidy.
KVI-ǵa qarsy vaktsinatsiialaý 6 mln adamdy qamti otyryp, osy jyldyń sońyna deiin jalǵasady dep josparlanýda.
Sonymen qatar, birinshi vitse-ministrdiń aitýynsha, vaktsinatsiialaýǵa profilaktikalyq egýge qarsy kórsetilimderi joq adamdar jiberiledi.
«Vaktsinatsiia júrgizer aldynda dene temperatýrasy ólshenedi, epidemiologiialyq anamnezdi jinaý, satýratsiiany, júrek jiyrylýynyń jiiligin, arteriialyq qysymdy ólsheý, tynys alý jáne júrek-qantamyr júiesin aýskýltatsiialaý jáne jutqynshaqty tekserý sharalary jasalady. Eger temperatýra 37°C-tan assa, vaktsinatsiia keiinge qaldyrylady», - deidi Marat Shoranov.
