QR Ishki ister ministriniń orynbasary Rashid Jaqypov Shymkent qalalyq №1 klinikalyq aýrýhanasy bas dárigeri Abylai Donbaidyń ustalýyna qatysty pikir bildirdi, dep habarlaidy QazAqparat.
«Atalǵan oqiǵanyń sebebin ózderińiz bilesizder. Degenmen túsinik bere almaimyn, zańnama qylmystyq istiń mán-jaiyn ashýǵa tyiym salady. Bultartpaý sharasy adam aǵzasyn zańsyz transplantatsiialaý faktisi boiynsha tergelip jatqan qylmystyq iske sáikes iske asyrylýda», - dedi Jaqypov Májiliste tilshiler saýalyna jaýap bere otyryp.
Osy oraida, ol bas dárigerge qatysty qamaýǵa alý sheshimi qabyldanǵanyn eske saldy.
Sonymen qatar, ministrdiń orynbasarynan tilshiler operatsiia jasaý úshin A. Donbaidy bosatý múmkindigi týraly surady.
R. Jaqypovtyń sózine qaraǵanda, eger de qylmystyq isti júrgizý protsesinde osyndai ótinishhat bolsa, onda bul ótinish qarastyrylýy múmkin.
Budan buryn habarlanǵandai, 18 qarashada QR IIM Tergeý departamenti Shymkent qalalyq №1 klinikalyq aýrýhanasy» sharýashylyq júrgizý quqyǵyndaǵy qalalyq kommýnaldyq kásipornynyń bas dárigeri Donbai Abylai Ábdijapparulyn ustap, ýaqytsha oqshaýlaǵyshqa qamaldy.
Oǵan QR QK 264-baby 2-tarmaǵynda (transulttyq qylmystyq topqa qatysý) jáne 116-baby 3-tarmaǵynda (adam aǵzasyn zańsyz alý) kózdelgen qylmystyq quqyq buzýshylyqqa jol berdi degen aiyp taǵylýda.
