Qazaqstanda agroónerkásip salasyn memlekettik qoldaý sharalarynyń deńgeii EAEO elderindegi jaǵdaidan qaraǵanda tómen. Bul týraly QR Aýyl sharýashylyǵy birinshi vitse-ministri Aidarbek Saparov aitty, dep habarlaidy QazAqparat tilshisi.
«Qazirgi ýaqytta Eýraziialyq ekonomikalyq odaq elderindegi seriktesterimizden qaraǵanda, Qazaqstanda memlekettik qoldaý deńgeii tómen. Máselen, Belarýs jalpy ishki ónimniń 8,1 paiyzyn, Resei 6,3 paiyzyn aýyl sharýashylyǵyn qoldaýǵa jumsaidy. Al bizde Qazaqstanda bul kórsetkish 5 paiyzdy ǵana quraidy. Sonymen qatar, bizde AÓK salasyndaǵy memlekettik baǵdarlamalardy jeke qarjylandyrmaý deńgeii 140 mlrd teńgege jetip otyr», - dedi Aidarbek Saparov Parlament Senatynda ótip jatqan dóńgelek ústel barysynda.
Vitse-ministrdiń aitýyna qaraǵanda, agroónerkásip saiasaty departamenti EAEO elderindegi memlekettik qoldaý sharalaryna sholý jasap kórgen.
«Máselen, Reseide AÓK sýbektilerin jeńildetilgen nesie 1-5 paiyzben usynylsa, Qazaqstanda 6-8 paiyzben beriledi. Reseide aýyl sharýashylyǵy tehnikasynyń lizingi 3,5 paiyzben, al bizdegi «Qazagroqarjylandyrý» lizingi boiynsha 4-7 paiyzben usynylady. Sol sekildi RF-da alǵashqy jarnany ótep berý sekildi jańa mehanizmder iske qosylyp jatyr. Kórshiles Ózbekstanda da dál osyndai jeńildikter kúshine ene bastady», - dedi ol.
