قازاقستاندا اگروٶنەركەسٸپ سالاسىن مەملەكەتتٸك قولداۋ شارالارىنىڭ دەڭگەيٸ ەاەو ەلدەرٸندەگٸ جاعدايدان قاراعاندا تٶمەن. بۇل تۋرالى قر اۋىل شارۋاشىلىعى بٸرٸنشٸ ۆيتسە-مينيسترٸ ايداربەك ساپاروۆ ايتتى, دەپ حابارلايدى قازاقپارات تٸلشٸسٸ.
«قازٸرگٸ ۋاقىتتا ەۋرازييالىق ەكونوميكالىق وداق ەلدەرٸندەگٸ سەرٸكتەستەرٸمٸزدەن قاراعاندا, قازاقستاندا مەملەكەتتٸك قولداۋ دەڭگەيٸ تٶمەن. مەسەلەن, بەلارۋس جالپى ٸشكٸ ٶنٸمنٸڭ 8,1 پايىزىن, رەسەي 6,3 پايىزىن اۋىل شارۋاشىلىعىن قولداۋعا جۇمسايدى. ال بٸزدە قازاقستاندا بۇل كٶرسەتكٸش 5 پايىزدى عانا قۇرايدى. سونىمەن قاتار, بٸزدە اٶك سالاسىنداعى مەملەكەتتٸك باعدارلامالاردى جەكە قارجىلاندىرماۋ دەڭگەيٸ 140 ملرد تەڭگەگە جەتٸپ وتىر», - دەدٸ ايداربەك ساپاروۆ پارلامەنت سەناتىندا ٶتٸپ جاتقان دٶڭگەلەك ٷستەل بارىسىندا.
ۆيتسە-مينيستردٸڭ ايتۋىنا قاراعاندا, اگروٶنەركەسٸپ ساياساتى دەپارتامەنتٸ ەاەو ەلدەرٸندەگٸ مەملەكەتتٸك قولداۋ شارالارىنا شولۋ جاساپ كٶرگەن.
«مەسەلەن, رەسەيدە اٶك سۋبەكتٸلەرٸن جەڭٸلدەتٸلگەن نەسيە 1-5 پايىزبەن ۇسىنىلسا, قازاقستاندا 6-8 پايىزبەن بەرٸلەدٸ. رەسەيدە اۋىل شارۋاشىلىعى تەحنيكاسىنىڭ ليزينگٸ 3,5 پايىزبەن, ال بٸزدەگٸ «قازاگروقارجىلاندىرۋ» ليزينگٸ بويىنشا 4-7 پايىزبەن ۇسىنىلادى. سول سەكٸلدٸ رف-دا العاشقى جارنانى ٶتەپ بەرۋ سەكٸلدٸ جاڭا مەحانيزمدەر ٸسكە قوسىلىپ جاتىر. كٶرشٸلەس ٶزبەكستاندا دا دەل وسىنداي جەڭٸلدٸكتەر كٷشٸنە ەنە باستادى», - دەدٸ ول.
