Kiev meri Vitalii Klichko Euronews-ke bergen suhbatynda ýkrainalyqtar eýropalyq otbasynyń múshesi bolǵysy keletinin jáne "KSRO-ǵa oralǵysy kelmeitinin" aitty, - dep habarlaidy Tengrinews.kz.
Telearna jýrnalisi keiingi aptalarda Ýkrainaǵa joǵary laýazymdy tulǵalar men álemdik kóshbasshylar kelgenin eske saldy. Olardyń ishinde Eýrokomissiia tóraǵasy Ýrsýla fon der Liaien bar, ol Ýkrainany Eýropa Odaǵyna qabyldaý protsesin jedeldetýge ýáde bergen bolatyn.
"Bul bir nárseni ózgertti me? Ýkraina Eýropa Odaǵynyń múshesi bolsa, bul kómektese alar ma edi" - dep surady ol.
"Ýkrainalyqtar demokratiialyq el retinde eýropalyq otbasynyń bir bóligi bolǵymyz keledi, biraq Resei Federatsiiasy bizdiń tilegimizdi moiyndamaidy. Jasyratyny joq, Pýtin qaita Keńes imperiiasyn qurǵysy keledi. Sondyqtan ol bizdiń eýropalyq otbasynyń múshesi bolýymyzǵa qarsy. Adam quqyqtary - bizdiń basymdyǵymyz, demokratiia men eýropalyq standarttar - bizdiń maqsattarymyz. Biz buǵan deiin KSRO-da boldyq jáne KSRO-ǵa oralǵymyz kelmeidi. Pýtin bizdiń tilegimizdi moiyndamaidy", - dep jaýap berdi Klichko.
