Koronavirýs juqtyrǵan shymkenttikpen bir avtobýsta bolǵan 16 jolaýshy izdestirilýde. Bul týraly «Habar 24» telearnasynyń tikelei efirinen QR Aqparat jáne qoǵamdyq damý ministri Dáýren Abaev aitty, dep habarlaidy "Ult aqparat".
«Koronavirýspen aýyrǵan adam bolǵan avtobýs anyqtaldy. 51 jolaýshynyń 35-i tabyldy. Olar karantinge jatqyzyldy. 16-sy qazirgi ýaqytta izdestirilip jatyr. Taiaý ýaqytta tabylyp, karantinge jatqyzylady», - dedi Dáýren Abaev.
Eske sala keteiik, buǵan deiin Nur-Sultannan Shymkentke avtobýspen barǵan jigittiń koronavirýs juqtyrǵanyn, al búgin Shymkentte taǵy bir adamnan virýs tabylǵanyn jazǵan bolatynbyz.
