Ýkraina prezidenti Vladimir Zelenskii Vinnitsa mańyndaǵy áýejai Resei áskeri kúshteri ushyrǵan zymyran soqqysynan keiin tolyǵymen qiraǵanyn málimdedi, - dep habarlaidy Tengrinews.kz agenttigi ÝNIAN portalyna silteme jasap.
"Maǵan qazir ǵana Vinnitsada zymyran soqqysy jasalǵany aityldy - 8 zymyran. Bizdiń beibit Vinnitsamyzdyń Reseige eshqandai ziiany joq edi. Zymyran soqqysy qatty boldy, áýejai tolyǵymen qirady. Olar biz, ata-anamyz, ata-ájelerimiz, ýkrainalyqtardyń urpaǵy qurǵan infraqurylymymyzdy, ómirimizdi joiyp jatyr", - dedi Zelenskii videoúndeýinde.
Ol Ýkraina aspanynda tynyshtyq bolǵanyn qalaitynyn aitty.
"Barlyq reseilik zymyran, reseilik aviatsiia, barlyq terrorist úshin jabyńyzdar. Gýmanitarlyq áýe aimaǵyn zymyrandarsyz, áýe bombalarynsyz jasańyzdar. Biz - adambyz jáne adamdardy qorǵaý - sizderdiń gýmanitarlyq mindetterińiz, ol sizderdiń qoldaryńyzdan keledi. Eger ony jasamasańyzdar, ózimizdi qorǵaý úshin ushaq bermeseńizder tek bir qorytyndyǵa kelemiz - demek sizder de aqyryndap bizdiń kózimizdi joia bastaǵanyn qalaisyzdar. Bul dúnie júzi saiasatkerleriniń de, batys basshylarynyń da jaýapkershiligi. Búginnen bastap jáne birjola", - dedi Zelenskii.
