Litva astanasy, Vilniýs qalasynda «Abai jinaǵy» oqý zalynyń saltanatty ashylýy ótti. Bul týraly "Ult aqparat" Litvadaǵy Elshilikke silteme jasap habarlaidy.
Vilniýs okrýginiń, Adam Mitskevich atyndaǵy, Qoǵamdyq kitaphanasynyń ǵimaratynda qazaqtyń uly aǵartýshysy Abaidyń 175 jyldyǵyna orai oqý zaly ashyldy.
Jańa qaýipsizdik erejelerine sáikes, shekteýli quramda ótkizilgen is-sharaǵa, Seim depýtattary (parlament), memlekettik organdardyń, akademiialyq, qoǵamdyq jáne isker toptardyń ókilderi, sondai-aq Litva buqaralyq aqparat quraldary qatysty.
QR Litva Respýblikasyndaǵy Elshisi V.Temirbaev, óziniń quttyqtaý sózinde, Eýropanyń áigili aqyny, Adam Mitskevichtiń qurmetine atalǵan kitaphanada, Abai atyndaǵy oqý zalynyń ashylýynyń simvolizmdy atap ótti. Abai áigili Vilniýs turǵynyń shyǵarmalaryn ana tiline aýdarǵan alǵashqy shyǵys aqyny boldy.
Osy turǵyda, qazaqstandyq diplomat, eýropalyq mádenietke baýlý, reformator Abaidyń umtylystarynyń biri bolǵanyn jáne ol, qazaq halqyn Shiller, Gete, Pýshkin jáne Baironnyń eńbekterimen alǵashqylardyń biri bolyp tanystyrǵanyn jetkizdi.
Is-shara aiasynda, Litvadaǵy eń úzdik opera ánshileriniń biri Raimonda Ianýtenaite jáne belgili kontsertmeister Niiole Baranaýskaite, Abaidyń «Kózimniń qarasy», «Jelsiz túnde jaryq ai» jáne «Aittym sálem, Qalamqas» siiaqty tanymal ánderin oryndady.
Rásimge qatysýshylar, bul zaldy tek Litvada ǵana emes, búkil Baltyq óńirindegi qazaq mádenietiniń «tartylys ortalyǵy» dep atady. Óitkeni, Abaidyń oqý zalyn ashýǵa daiyndyq barysynda, Vilniýs kitaphanasy men Qazaqstandaǵy eń kóne kitaphana - Abai atyndaǵy Shyǵys Qazaqstan oblystyq ámbebap kitaphanasy arasyndaǵy yntymaqtastyq týraly kelisim jasaldy.
Sonymen qatar, oqý zalynda osy jyldyń sońyna deiin Elshilik, «Jara» (Žara) baspasymen birlesip, Litva tilinde jaryq kórgen, Muhtar Áýezovtiń «Abai joly» roman-epopeiasyn jáne Ánýar Álimjanovtyń «Ustazdyń oralýy» romanynyń tusaýkeserin ótkizbek.
Aita ketsek, Adam Mitskevich atyndaǵy, Vilniýs okrýginiń qoǵamdyq kitaphanasy, Litva astanasynyń dál ortalyǵynda, burynǵy Zenkovich-Tishkevich áýletiniń saraiynda ornalasqan, onyń tarihy XV-XVI ǵasyrlardan bastaý alady.
