Búgin elordada ótip jatqan QR Parlamenti Májilisi men RF Federaldy jinalysynyń Memlekettik dýmasy komitetteriniń kezdesýinde reseilik depýtat Viktor Vodolatskii Qazaq-qyrǵyz shekarasyndaǵy ahýalǵa bailanysty pikir bildirdi, dep habarlaidy Ult.kz tilshisi QazAqparat agenttigine silteme jasap.
«Resei Qazaqstannyń jáne atalǵan protseske ózge de qatysýshylardyń ustanymyn qoldaidy. Bizderdiń aramyzda ádil, ashyq jáne seriktestik qarym-qatynas bolýy tiis. Tek sonda ǵana biz utysqa shyǵamyz. Sonda ǵana bizdiń odaq qarqyndy damityn bolady jáne atalǵan protseske qatysýshy memleketterdiń ǵana emes, sonymen birge ShYU, BRIKS jáne ózge de elderdiń basymdyqty ekonomikasyna qol jetkiziletin bolady. Biz syrtqy, «sur» syzbalarǵa táýeldi bolmaýymyz qajet», - dedi RF Federaldy jinalysy Memlekettik dýmasynyń TMD, eýraziialyq integratsiia jáne otandastarmen bailanys isteri komiteti tóraǵasynyń orynbasary Viktor Vodolatskii BAQ ókilderine bergen suhbatynda.
Onyń aitýynsha, egerde «sur» syzba jumys istese, onda Eýraziialyq ekonomikalyq odaqtyń 2018 jyldyń 1 qańtarynan kúshine enýi tiis jańa Keden kodeksine senim bolmaidy.
«Bizdiń búgingi mindetimiz, ony barynsha shekteý. Atap ótkenimdei, biz ádil ári senim negizinde jumys isteimiz. Eger tym bolmaǵanda bir tarap bul baǵytta azdaǵan «tentektik» kórsete bastasa, onda shekarada oryn alǵan jáne oryn alyp jatqan teris sátterdi birshama tómendetýge baǵyttalǵan repressivti sharalar qoldanylatyn bolady. RF-ǵa qarsy sanktsiialar engizilgen kezde tek Qyrǵyzstan-Qazaqstan shekarasynda ǵana emes, sonymen birge Resei men Belarýs shekarasynda da oryn alǵan jaittardy kórdik. Sol kezde Belarýsta ómiri shyǵarylmaǵan ónimder sol eldiń brendimen paida bolǵan edi», - dedi Vodolatskii.
