Tótenshe jaǵdaiǵa qaramastan bizge kómektesip, video sabaq daiyndaýǵa kómektesip jatqan 80-90 muǵalim bar. Bul týraly QR Bilim jáne ǵylym ministri Ashat Aimaǵambetov Instagram jelisindegi tikelei efirde aitty, dep habarlaidy QazAqparat.
«Qashyqtan oqýǵa kóshken kezde bári «Muǵalimderdiń jalaqysyn kóterýdiń ne qajeti bar? Balalar sabaqty óz betimen oqidy ǵoi. Synyp jetekshisine ústemaqy tóleýdiń ne qajeti bar?» degen edi. Men muǵalimder óte úlken jumys istep jatqanyn aitar edim. Qazirgi ýaqytta muǵalimder jalaqysyn tolyq kólemde barlyq ústemesimen qosa alyp otyr», - deidi Bilim jáne ǵylym ministri Ashat Aimaǵambetov.
Ol muǵalimderdiń tótenshe jaǵdai kezindegi júktemeleri úshin memleket tarapynan qandai qoldaý bolatynyn aitty.
«Tótenshe jaǵdaiǵa qaramastan bizge kómektesip, video sabaq daiyndaýǵa kómektesip jatqan 80-90 muǵalim bar. Biz olarǵa syiaqy berý kerek dep sheshtik. Keibir aimaqta da osyndai sheshim qabyldanyp jatqanyn bilemin. Ministlik mundai sheshimdi árdaiym qoldaidy. Munyń bári mektep biýdjetine bailanysty sheshiledi», - deidi ol.
