Vetnamda erkin júrmin dep video jariialaǵan qazaqstandyq bloger Qaisar Qamzaǵa qatysty Syrtqy ister ministrligi jańa aqparat taratty. Qazir ony Qazaqstanǵa ekstraditsiialaý máselesi qaralyp jatyr., dep habarlaidy ult.kz.
SIM resmi ókili Erlan Jetibaidyń aitýynsha, qazirgi derek boiynsha Qaisar Qamza Vetnam aýmaǵynda ustalǵan.
– Bizdiń málimetke sáikes, bul azamat Vetnamda ustalǵan. Ony Qazaqstanǵa ekstraditsiialaý máselesi qarastyrylýda, – dedi ol brifingte.
Vedomstvo ókili shetelde ustalǵan azamattardy qaitarý protsesi Bas prokýratýra quzyretinde ekenin de atap ótti.
Buǵan deiin Qarjylyq monitoring agenttigi Qaisar Qamzany zańsyz onlain-kazino uiymdastyrdy degen kúdikpen halyqaralyq izdeýge jariialaǵan. Tergeý derekterine sáikes, onyń zańsyz qyzmetten tapqan tabysy 100 million teńgeden asqan, qarajat kriptovaliýta arqyly shyǵarylǵan.
Aita keteiik, bloger 1 mamyr kúni áleýmettik jelide Vetnamnan video jariialap, Niachang qalasynda erkin júrgenin jáne ustalǵany týraly aqparatty joqqa shyǵarǵan edi. Alaida buǵan deiin birqatar BAQ ony Vetnamda Interpol jáne jergilikti politsiianyń qatysýymen ustalǵanyn habarlaǵan.
Qazirgi tańda ony Qazaqstanǵa qaitarý máselesi resmi deńgeide qaralyp jatyr.
