Búgin Vengriianyń Debretsen qalasynda bokstan dástúrli halyqaralyq týrnir – Ishtvan Boshkai memorialy bastalady, dep habarlaidy "Ult aqparat".
Aqpannyń 8-ine deiin jalǵasatyn týrnirge qazaqstandyq boksshylar da qatysady. Bul týraly QazAqparat tilshisine bokstan ulttyq quramanyń bas bapkeri Ǵalymbek Kenjebaev aityp berdi.
«Bul týrnirge quramanyń qosalqy quramdaǵy boksshylary ketti. Negizgi quram Tokio olimpiadasyna irikteý týrnirine qatysady. Qazir boksshylar qysqa merzimge demalysqa ketti. Endi osy 16 aqpanda jinalyp, 29-yna deiin qaita daiyndyqty pysyqtaimyz. Sol úshin atalǵan týrnirge jastardy jiberdik», - dedi bapker.
Ol sondai-aq Ishtvan Boshkai memorialyna qatysatyn boksshylardiń aty-jónin de atady.
«52 keli salmaqta - Mahmud Sabyrhanǵa, 57 kelide - Aidos Arapovqa 63 kelide - Sanatáli Toltaevqa, 69 keli salmaqta - Talǵat Shaikenge, 75 kelide - Talǵat Jakpekovke, 81 keli salmaqta - Nurbek Oralbaiǵa, 91 kelide - Aibek Oralbaiǵa úmit artsaq, asa aýyr salmaqta Damir Toibai el namysyn qorǵaidy», - dep atap ótti bas bapker.
