بٷگٸن ۆەنگرييانىڭ دەبرەتسەن قالاسىندا بوكستان دەستٷرلٸ حالىقارالىق تۋرنير – يشتۆان بوشكاي مەموريالى باستالادى, دەپ حابارلايدى "ۇلت اقپارات".
اقپاننىڭ 8-ٸنە دەيٸن جالعاساتىن تۋرنيرگە قازاقستاندىق بوكسشىلار دا قاتىسادى. بۇل تۋرالى قازاقپارات تٸلشٸسٸنە بوكستان ۇلتتىق قۇرامانىڭ باس باپكەرٸ عالىمبەك كەنجەباەۆ ايتىپ بەردٸ.
«بۇل تۋرنيرگە قۇرامانىڭ قوسالقى قۇرامداعى بوكسشىلارى كەتتٸ. نەگٸزگٸ قۇرام توكيو وليمپياداسىنا ٸرٸكتەۋ تۋرنيرٸنە قاتىسادى. قازٸر بوكسشىلار قىسقا مەرزٸمگە دەمالىسقا كەتتٸ. ەندٸ وسى 16 اقپاندا جينالىپ, 29-ىنا دەيٸن قايتا دايىندىقتى پىسىقتايمىز. سول ٷشٸن اتالعان تۋرنيرگە جاستاردى جٸبەردٸك», - دەدٸ باپكەر.
ول سونداي-اق يشتۆان بوشكاي مەموريالىنا قاتىساتىن بوكسشىلاردٸڭ اتى-جٶنٸن دە اتادى.
«52 كەلٸ سالماقتا - ماحمۇد سابىرحانعا, 57 كەلٸدە - ايدوس اراپوۆقا 63 كەلٸدە - ساناتەلٸ تولتاەۆقا, 69 كەلٸ سالماقتا - تالعات شايكەنگە, 75 كەلٸدە - تالعات جاكپەكوۆكە, 81 كەلٸ سالماقتا - نۇربەك ورالبايعا, 91 كەلٸدە - ايبەك ورالبايعا ٷمٸت ارتساق, اسا اۋىر سالماقتا دامير تويباي ەل نامىسىن قورعايدى», - دەپ اتاپ ٶتتٸ باس باپكەر.
