Basym kópshiligi ońshyl konservator premer-ministr Viktor Orbannyń jaqtastarynan turatyn Vengriia parlamentiniń depýtattary seisenbide mektepterde "gei-nasihatqa" ruqsat bermeý týraly zańdy maquldady, dep habarlaidy Azattyq.
Quqyq qorǵaýshylar, LGBT uiymdary jáne Vengriia oppozitsiiasy bul zań adam quqyqtaryn óreskel buzady dep sanaidy.
Qabyldanǵan zańǵa sáikes, mektepte gomoseksýaldyq pen transseksýaldyqty talqylaýǵa tyiym salynady. 18-ge tolmaǵandarǵa gomseksýaldyq jáne jynysty aýystyrý týraly "nasihat" jasaýǵa bolmaidy. Pedofiliia úshin jazany kúsheitýdi kózdeitin zańǵa osyndai normalar engizildi. Sheshimge qarsy bolǵandar "bilik gomoseksýaldyqty balaǵa qarsy qylmysqa teńestirip otyr" dep sanaidy.
Jaqynda Býdapeshte osy zań jobasyna qarsy adamdardyń jappai narazylyq jiyny ótti.
Munyń aldynda Orbannyń jaqtastary jańa Konstitýtsiia qabyldady, ol boiynsha nekege "er men áieldiń odaǵy" degen anyqtama berildi. Jynysy bir juptardyń bala asyrap alýyna tyiym salyndy.
Zańdy synaýshylardyń aitýynsha, jańa qujat Reseidegi "gomoseksýaldyqty nasihattaýǵa" tyiym salý zańyna uqsaidy.
Aldaǵy jyly Vengriiada sailaý bolady. Baqylaýshylardyń aitýynsha, Orban konservativti halyqtyń qoldaýyna súienip, qarsylastaryn LGBT-ny jaqtaityn ásiresolshyldar etip kórsetýge tyrysady.
