Biylǵy Venetsiia kinofestivaliniń ádilqazylar alqasy tóraiymy – ataqty aktrisa Keit Blanshett. Osymen 77-shi ret ótkizilgeli otyrǵan shara qyrkúiek aiynyń 2-si men 12-shi juldyzyna josparlanǵan.
"Men jyl saiyn Venetsiia kinofestivaliniń konkýrstyq baǵdarlamasyna qandai filmder irikteletinin asyǵa kútemin. Short-listti sholyp ótkende únemi qobaljyp otyramyn. Venetsiia — álemdegi eń airyqsha atmosferaly kinofestival. Ol qashan da provokatsiialyq ári shabyttyndyrýshy kinonyń qai formasyn da quptap, qoldap keledi. Biylǵy ádilqazylar alqasyn bastaý mártebesine qol jetkizgenim úshin asa qýanyshtymyn", - dedi Blanshett osy jańalyqqa qatysty.
Dese de aýstraliialyq aktrisa ári prodiýser mundai qurmetke alǵash ret ie bolyp turǵan joq. Esterińizde bolsa, Keit Blanshett 2018 jyly Kann festivaliniń ádilqazylar alqasyn bastaǵan edi. Sol jyly "Altyn palma butaǵyna" japon rejisseri Hirokadzý Koreedeniń "Dúken urylary" laiyq dep tanylǵan.
Al biylǵy Kann kinofestivaliniń negizgi kinokartinasyn rejisser Spaik Li bastaǵan top anyqtaidy.
