بيىلعى ۆەنەتسييا كينوفەستيۆالٸنٸڭ ەدٸلقازىلار القاسى تٶرايىمى – اتاقتى اكتريسا كەيت بلانشەتت. وسىمەن 77-شٸ رەت ٶتكٸزٸلگەلٸ وتىرعان شارا قىركٷيەك ايىنىڭ 2-سٸ مەن 12-شٸ جۇلدىزىنا جوسپارلانعان.
"مەن جىل سايىن ۆەنەتسييا كينوفەستيۆالٸنٸڭ كونكۋرستىق باعدارلاماسىنا قانداي فيلمدەر ٸرٸكتەلەتٸنٸن اسىعا كٷتەمٸن. شورت-ليستتٸ شولىپ ٶتكەندە ٷنەمٸ قوبالجىپ وتىرامىن. ۆەنەتسييا — ەلەمدەگٸ ەڭ ايرىقشا اتموسفەرالى كينوفەستيۆال. ول قاشان دا پروۆوكاتسييالىق ەرٸ شابىتتىندىرۋشى كينونىڭ قاي فورماسىن دا قۇپتاپ, قولداپ كەلەدٸ. بيىلعى ەدٸلقازىلار القاسىن باستاۋ مەرتەبەسٸنە قول جەتكٸزگەنٸم ٷشٸن اسا قۋانىشتىمىن", - دەدٸ بلانشەتت وسى جاڭالىققا قاتىستى.
دەسە دە اۋسترالييالىق اكتريسا ەرٸ پروديۋسەر مۇنداي قۇرمەتكە العاش رەت يە بولىپ تۇرعان جوق. ەستەرٸڭٸزدە بولسا, كەيت بلانشەتت 2018 جىلى كانن فەستيۆالٸنٸڭ ەدٸلقازىلار القاسىن باستاعان ەدٸ. سول جىلى "التىن پالما بۇتاعىنا" جاپون رەجيسسەرٸ حيروكادزۋ كورەەدەنٸڭ "دٷكەن ۇرىلارى" لايىق دەپ تانىلعان.
ال بيىلعى كانن كينوفەستيۆالٸنٸڭ نەگٸزگٸ كينوكارتيناسىن رەجيسسەر سپايك لي باستاعان توپ انىقتايدى.
