Venesýela biliginiń málimetinshe, elge joiqyn jer silkinisiniń saldaryn joiýǵa kómektesý úshin 1600-den astam sheteldik qutqarýshy keldi. Aldaǵy táýlikte izdestirý-qutqarý toptary mingen taǵy 25 halyqaralyq reis kútilýde, dep habarlaidy ult.kz.
Eń kóp zardap shekken La-Gýaira shtatynda keminde 100 ǵimarat qiraǵan nemese qatty zaqymdanǵan. Aimaqta qutqarý jumystaryn jedeldetý úshin 14 myńǵa jýyq áskeri qyzmetker men politsiia jumyldyrylyp, apat aimaǵyna kirý ýaqytsha shekteldi.
Resmi málimet boiynsha, jer silkinisinen 1430 adam qaza tapqan. Al oppozitsiia qurǵan arnaiy platformada 54 myńnan astam adam iz-túzsiz joǵalǵandar qatarynda tirkelgen.
BUU aldyn ala baǵalaýynsha, tabiǵi apattan shamamen 7 million adam zardap shekken. Keltirilgen ekonomikalyq shyǵyn - 6,7 milliard dollar.
