ۆەنەسۋەلا بيلٸگٸنٸڭ مەلٸمەتٸنشە, ەلگە جويقىن جەر سٸلكٸنٸسٸنٸڭ سالدارىن جويۋعا كٶمەكتەسۋ ٷشٸن 1600-دەن استام شەتەلدٸك قۇتقارۋشى كەلدٸ. الداعى تەۋلٸكتە ٸزدەستٸرۋ-قۇتقارۋ توپتارى مٸنگەن تاعى 25 حالىقارالىق رەيس كٷتٸلۋدە, دەپ حابارلايدى ult.kz.
ەڭ كٶپ زارداپ شەككەن لا-گۋايرا شتاتىندا كەمٸندە 100 عيمارات قيراعان نەمەسە قاتتى زاقىمدانعان. ايماقتا قۇتقارۋ جۇمىستارىن جەدەلدەتۋ ٷشٸن 14 مىڭعا جۋىق ەسكەري قىزمەتكەر مەن پوليتسييا جۇمىلدىرىلىپ, اپات ايماعىنا كٸرۋ ۋاقىتشا شەكتەلدٸ.
رەسمي مەلٸمەت بويىنشا, جەر سٸلكٸنٸسٸنەن 1430 ادام قازا تاپقان. ال وپپوزيتسييا قۇرعان ارنايى پلاتفورمادا 54 مىڭنان استام ادام ٸز-تٷزسٸز جوعالعاندار قاتارىندا تٸركەلگەن.
بۇۇ الدىن الا باعالاۋىنشا, تابيعي اپاتتان شامامەن 7 ميلليون ادام زارداپ شەككەن. كەلتٸرٸلگەن ەكونوميكالىق شىعىن - 6,7 ميلليارد دوللار.
