Foto: ashyq derekkóz
Úkimet otyrysynda kólik ministri Nurlan Saýranbaev biyl aviatsiia salasynda aýqymdy josparlar baryn aitty, dep habarlaidy Ult.kz.
Aldaǵy ýaqytta Vena, Tokio, Rim, Niý-Iork jáne basqa da baǵyttar boiynsha halyqaralyq reister ashý kózdelip otyr. Júk áýe tasymalyn damytý úshin FedEx, UPS, Cargolux syndy iri sheteldik aviakompaniialarmen kelissózder júrgizilýde.
Ministrdiń aitýynsha, saladaǵy kórsetkishter oń dinamika kórsetip otyr. Ótken jyly aviatsiialyq júk óńdeý kólemi 173 myń tonnaǵa jetip, óńirdegi eń joǵary kórsetkish tirkelgen. Bul baǵyttaǵy jumystar aldaǵy ýaqytta da kúsheitiledi.
Sondai-aq ministr biyl birqatar jańa temirjol jelileriniń qurylysy aiaqtalatynyn málimdedi. Atap aitqanda, Qyzyljar – Moiynty jáne Darbaza – Maqtaaral temirjol jelileri paidalanýǵa beriledi. Sonymen qatar Altynkól – Jetigen jáne Jezqazǵan – Sekseýil ýchaskelerin jańǵyrtý jumystary támamdalady. El aýmaǵyndaǵy temirjol vokzaldaryn rekonstrýktsiialaý da jalǵasady.
Avtojol salasynda Qyzylorda – Jezqazǵan baǵytyndaǵy qozǵalys 2026 jyldyń sońyna deiin ashylady dep josparlanǵan. Biyl Qyzylorda – Aqtóbe tórt jolaqty magistraliniń qurylysy bastalsa, jyldyń ekinshi jartysynda Qaraǵandy – Jezqazǵan jobasy men Saryaǵashty ainalyp ótetin joldyń qurylysy qolǵa alynady.
