Shossedegi velosporttan Qazaqstannyń erler quramasy Aziia chempiony atandy, dep habarlaidy QazAqparat.
Búgin Tájikstan astanasy Dýshanbede shossedegi velosport boiynsha Aziia chempionaty bastaldy. Qazaqstan qurama komandasy komandalyq jarysta top jaryp, qurlyqtyq birinshiliktiń «altynyna» ie boldy.
Komandalyq jarysqa el quramasy sapynda Evgenii Fedorov, Igor Chjan, Iýrii Natarov jáne Evgenii Gidich synǵa tústi. Veloshabandozdar 24 km qashyqtyqty 26 minýt 48.933 sekýndta baǵyndyrdy.
Jarys qorytyndysy boiynsha Mońǵoliia quramasy ekinshi bolsa, Iran quramasy úzdik úshtikti qorytyndylady.
Sondai-aq Aziia chempionatyna qatysqan velosporttan Qazaqstannyń áielder quramasy «kúmis» medalǵa ie boldy. El namysyn Rinata Sýltanova, Faina Potapova, Mahabbat Úmitjanova jáne Anjela Soloveva qorǵady. Sportshy qyzdar 24 shaqyrymdy 32 minýt 24.015 sekýndta eńserdi.
Birinshiliktiń chempiony Ózbekstan quramasy boldy.
