"Rio-de-Janeiroda ótip jatqan HHHI Olimpiada oiyndarynda bokstan 91 keli salmaq dárejesinde óner kórsetetin qazaq boksshysy Vasilii Levit alǵashqy jekpe-jeginde qytailyq Iu Fengkaidy tehnikalyq nokaýtpen utty", - dep habarlaidy "Ult aqparat".
Jekpe-jek barysynda bizdiń boksshymyzdyń basymdylyǵy anyq baiqalyp turdy. Tizgindi tolyqtai qolyna alǵan Levittiń aýyr soqqylarynan qytailyq bylǵary qolǵap sheberi nokdaýnǵa da túsip úlgerdi. Ekinshi raýndtyń sońynda Iu Fengkaidyń atyna tehnikalyq nokaýt jazylyp, ol jarys jolynan birjola shyǵyp qaldy.
Al osyǵan deiin Birjan Jaqypov pen Jánibek Álimhanuly el senimin aqtap, alǵashqy kezdesýlerin sátti bastaǵan. Ókinishke qarai, tek Olimpiadanyń birinshi kúni Berik Ábdirahmanov AQSh boksshysynan utylyp qalǵan-tyn.
Esterińizge sala keteiik, talai qazaq boksshysynyń jolyn tusaýlap, Olimpiada oiyndaryna barýǵa ustatpai júrgen 91 keli salmaq dárejesindegi joldamany biyl otandasymyz Vasilii Levit qanjyǵasyna bailap, táýelsiz Qazaq eli atynan osy salmaqta tuńǵysh ret Olimpiada oiyndarynda óner kórsetý quqyǵyna ie boldy.
Ult portaly
.jpeg)