"ريو-دە-جانەيرودا ٶتٸپ جاتقان حححٸ وليمپيادا ويىندارىندا بوكستان 91 كەلٸ سالماق دەرەجەسٸندە ٶنەر كٶرسەتەتٸن قازاق بوكسشىسى ۆاسيليي لەۆيت العاشقى جەكپە-جەگٸندە قىتايلىق يۋ فەنگكايدى تەحنيكالىق نوكاۋتپەن ۇتتى", - دەپ حابارلايدى "ۇلت اقپارات".
جەكپە-جەك بارىسىندا بٸزدٸڭ بوكسشىمىزدىڭ باسىمدىلىعى انىق بايقالىپ تۇردى. تٸزگٸندٸ تولىقتاي قولىنا العان لەۆيتتٸڭ اۋىر سوققىلارىنان قىتايلىق بىلعارى قولعاپ شەبەرٸ نوكداۋنعا دا تٷسٸپ ٷلگەردٸ. ەكٸنشٸ راۋندتىڭ سوڭىندا يۋ فەنگكايدىڭ اتىنا تەحنيكالىق نوكاۋت جازىلىپ, ول جارىس جولىنان بٸرجولا شىعىپ قالدى.
ال وسىعان دەيٸن بٸرجان جاقىپوۆ پەن جەنٸبەك ەلٸمحانۇلى ەل سەنٸمٸن اقتاپ, العاشقى كەزدەسۋلەرٸن سەتتٸ باستاعان. ٶكٸنٸشكە قاراي, تەك وليمپيادانىڭ بٸرٸنشٸ كٷنٸ بەرٸك ەبدٸراحمانوۆ اقش بوكسشىسىنان ۇتىلىپ قالعان-تىن.
ەستەرٸڭٸزگە سالا كەتەيٸك, تالاي قازاق بوكسشىسىنىڭ جولىن تۇساۋلاپ, وليمپيادا ويىندارىنا بارۋعا ۇستاتپاي جٷرگەن 91 كەلٸ سالماق دەرەجەسٸندەگٸ جولدامانى بيىل وتانداسىمىز ۆاسيليي لەۆيت قانجىعاسىنا بايلاپ, تەۋەلسٸز قازاق ەلٸ اتىنان وسى سالماقتا تۇڭعىش رەت وليمپيادا ويىندارىندا ٶنەر كٶرسەتۋ قۇقىعىنا يە بولدى.
ۇلت پورتالى
.jpeg)