Búgin Iordaniianyń Amman qalasynda ótip jatqan bokstan Olimpiadaǵa irikteý týrnirinde Vasilii Levit jergilikti boksshyny utyp, finalǵa joldama aldy, dep habarlaidy "Ult aqparat".
Levit - erler arasynda 91 keli salmaqta el namysyn abyroimen qorǵap júrgen boksshylarymyzdyń biri. Ol búgin olimpiadalyq irikteý týrniriniń jartylai finalynda sharshy alań qojaiyny Hýsein Ishaishpen judyryqtasyp, asa tartysty jekpe-jek qorytyndysy boiynsha tóreshilerdiń sheshimimen jeńiske jetti.
Bul - Ǵalymbek Kenjebaev baptaityn boksshylar arasynan olimpiadalyq irikteý týrniriniń finalyna shyqqan ekinshi boksshy.
Esterińizge sala keteiik, osyǵan deiin Zakir Safiýllinniń qazaq boksshylary arasynda birinshi bolyp olimpiadalyq irikteý týrniriniń finalyna shyqqanyn jazǵan bolatynbyz. Sondai-aq, Abylaihan Júsipov atalǵan týrnirdiń jartylai finalynda utylyp, qola medaldi qanaǵat tutty.
Osymen kúndizgi sessiiada qazaq boksshylary jarysty aiaqtady. Endi keshki sessiiada 5 boksshymyz sharshy alańǵa shyǵady.
Keshki sessiia Nur-Sultan ýaqytymen saǵat 21:00-de bastalady.
Keshki sessiiada myna boksshylar synǵa túsedi:
Áielder
75 keli Nadejda Riabets (Qazaqstan) - Keitlin Parker (Avstraliia)
Erler
57 keli Serik Temirjanov (Qazaqstan) - Mirazizbek Mirzahalilov (Ózbekstan)
75 keli Ábilhan Amanqul (Qazaqstan) - Tańathan Toqtarbek (Qytai)
81 keli Bekzat Nurdáýletov (Qazaqstan) - Odai Alhindavi (Iordaniia)
+91 keli Qamshybek Qońqabaev (Qazaqstan) - Hýni Ádilet (Avstraliia).
