AQSh-tyń jetekshi analitikalyq ortalyqtarynyń biri «Atlantikalyq keńes» alańynda «Qazaqstandyq-amerikalyq qarym-qatynastarǵa otyz jyl: qańtar daǵdarysy jáne bolashaqqa jol» taqyrybynda paneldik pikirtalas ótti, dep habarlaidy QazAqparat Syrtqys ister ministrliginiń baspasóz qyzmetine silteme jasap.
Halyqaralyq salyq jáne investitsiia ortalyǵynyń Prezidenti Deniel Vit óz alǵysózinde ekijaqty yntymaqtastyqtyń negizgi jetistikteri men Qazaqstannyń ǵalamdyq turaqtylyq pen qaýipsizdikti qamtamasyz etýge qosqan eleýli úlesin atap ótti.
Qazaqstannyń AQSh-taǵy Elshisi Erjan Ashyqbaev qańtar oqiǵalarynyń túpki sebepterin joiý boiynsha Úkimetiniń qabyldap jatqan sharalary týraly baiandap, tergeýdiń ashyq negizde ulttyq zańnama men elimizdiń halyqaralyq mindettemelerine sáikes júrgiziletinine sendirdi.
Prezident Qasym-Jomart Toqaevtyń «Jańa Qazaqstandy» qurýǵa baǵyttalǵan reformalary men bastamalary, sondai-aq halyqtyń ál-aýqatyn arttyrýǵa baǵyttalǵan Úkimet qyzmetiniń basymdyqtaryna basty nazar aýdaryldy. Bul turǵyda, Elshi Memleket basshysynyń saiasi reformalar men demokratiialyq ózgeristerdi odan ári júzege asyrý baǵytyna beiildiligin rastady.
Óz kezeginde, Atlantikalyq keńestiń Eýraziia ortalyǵynyń Aǵa direktory Djon Herbst Qazaqstannyń Ortalyq Aziiadaǵy turaqtandyrýshy jáne teńgerýshi rólin, sondai-aq óziniń tiimdiligin dáleldegen kópvektorly syrtqy saiasatynyń sátti júzege asyrylýyn atap ótti.
«New Lines Institute» oi-talqy ortalyǵynyń direktory Kamran Bohari qańtardaǵy oqiǵa Qazaqstannyń damý traektoriiasyna áser etpegenin atap ótti. Onyń pikirinshe, memleketti ózgertý jáne ekonomikalyq damýdy jedeldetý belgili bir kúsh-jigerdi qajet etedi jáne memleket basshylyǵy oń baǵytta kele jatyr.
Atlantikalyq keńestiń Aǵa ǵylymi qyzmetkeri Ariel Koen AQSh-tyń sanktsiialyq saiasatynyń teris áseriniń aldyn alýdyń mańyzdylyǵyn atap ótip, elimiz Kaspii qubyr konsortsiýmy arqyly álemdik munai jetkiziliminiń 1,2% qamtamasyz etetinine nazar aýdardy.
Jalpy, is-sharaǵa qatysýshylar Qazaqstandaǵy saiasi jáne ekonomikalyq reformalarǵa oń baǵa berip, olardyń ózektiligi men uzaq merzimdi tiimdiligine senim bildirdi. Sarapshylar Qazaqstannyń aýqymdy Eýraziia aimaǵyndaǵy turaqtandyrýshy rólin jáne ekijaqty yntymaqtastyqty tereńdetý úshin eleýli áleýettiń bolýyn eskere otyryp, AQSh pen Qazaqstan arasyndaǵy keńeitilgen strategiialyq áriptestikti odan ári damytýdyń mańyzdylyǵyn atap ótti.
