Ǵalymdar Van Gogtyń buryn belgisiz bolǵan avtoportretin tapty. Ol sýretshiniń Shotlandiiadaǵy ulttyq galereiasynda saqtaýly turǵan «Aq qalpaqtaǵy sharýa áiel portreti» atty áigili kartinasynyń artyna qystyrylyp qalǵan eken, dep habarlaidy QazAqparat BBC aqparat agenttigine silteme jasap.
Shotlandiia ulttyq galereiasy (Shotlandiiadaǵy úsh ulttyq galereiany jáne eki seriktes galereiany baqylaityn vedomstvolyq emes uiym) ókilderiniń aitýynsha, keremet olja kezdeisoq tabylǵan.
Edinbýrgtegi Koroldik Shotlandiia akademiiasynda impressionisterge arnalǵan kórmeniń ashylý qarsańynda kýratorlar Van Gogtyń 1885 jylǵy jumysyn rentgenge túsirýdi uiǵarady.
Sol kezde kartinanyń artqy jaǵynda birneshe jelimmen jaǵylǵan jáne kartonmen jabylǵan sýret tabylady, bul sýretshiniń avtoportreti bolýy ábden múmkin. Sýret-kartinany 20 ǵasyrdyń basynda ótken kórmege daiyndaý kezinde jabystyrylýy múmkin.
Van Gog jii aqsha únemdeý úshin kenepterin eki jaǵynan paidalanýǵa májbúr bolǵan. Tabylǵan portrette jiegi bar qalpaq kigen jáne moiynǵa oramal bailap otyrǵan saqaldy adam beinelengen. Kartinada onyń sol jaq qulaǵy anyq kórinip tur: Van Gog «Aq qalpaqtaǵy sharýa áiel portretin» jazǵannan keiin úsh jyldan soń ashýǵa berilip, sol qulaǵyn palitra pyshaǵymen kesip tastaǵan.
Bul onyń avtoportret salýdaǵy alǵashqy áreketteriniń biri bolsa kerek. Keiinirek jumystary jaqsara bastap, búginde Van Gogtyń keiingi avtoportretteri shedevr bolyp sanalady.
