«Valdai» pikirtalas klýbynyń qatysýshylary halyqaralyq jáne aimaqtyq qaýipsizdikti, turaqtylyqty jolǵa qoiýda qazaqstandyq amal-ádisterge qyzyǵyp otyr. Bul týraly QR Prezidentiniń keńesshisi Erlan Qarin Sochidegi jyl saiynǵy «Valdai» halyqaralyq pikirtalas klýbynyń XVI otyrysynda aityp berdi, dep habarlaidy QazAqparat.
Erlan Qarin atap ótkendei, «Valdai» pikirtalas klýby halyqaralyq jáne aimaqtyq kún tártibindegi eń ózekti máseleler boiynsha pikir almasýdyń bedeldi alańdarynyń biri bolyp sanalady. Valdai klýbynyń is-sharalaryna jyldaǵy dástúr boiynsha ártúrli elderdiń memlekettik organdary men sarapshylar qaýymdastyǵynyń ókilderi qatysady. Sonymen qatar, memleket pen úkimet basshylarynyń kópjaqty jáne ekijaqty formattaǵy kezdesýleri forým sheńberindegi mańyzdy oqiǵalardyń biri bolary anyq.
«Mundai kezdesýler bizdiń elimiz úshin óte paidaly. Qazaqstan halyqaralyq protsesterdiń belsendi qatysýshysy bola otyryp, álemdik qaýymdastyqqa qazirgi zamanǵy syn-qaterlerdi sheshýge degen kózqarasyn jetkizýge tyrysady. Bul alań bizdiń elimizdiń syrtqy saiasi bailanystaryn keńeitýge múmkindik beredi. Sol sebepti, mundai kezdesýler óte mańyzdy ári paidaly», - dedi Memleket basshysynyń keńesshisi.
Erlan Qarinniń aitýynsha, «Valdai» klýbynyń qatysýshylaryn Qazaqstannyń syrtqy saiasi amal-ádisteri qyzyqtyryp otyr.
«Sonyń ishinde iadrolyq qarýsyzdaný máseleleri, Astana protsesi (Siriiadaǵy), Taiaý Shyǵystaǵy, Ońtústik Aziiadaǵy jaǵdailar... Bul pikirtalastar eshqashan Qazaqstannyń qosqan úlesin talqylamai ótpeidi», - dedi ol.
«Shyǵys tańy jáne dúniejúzilik saiasi qurylym» forýmynyń jariialanǵan taqyryptary týraly aita kele Memleket basshysynyń keńesshisi Reseidiń Shyǵysqa nazary baryn atap ótti. Onyń aitýynsha, osy rette Resei Federatsiiasy strategiialyq seriktesi jáne jaqyn kórshisi bolyp tabylatynyn Qazaqstannyń rólin jiti túsinip otyr.
«Aziiamen yntymaqtastyqtyń túrli nusqalary, meili, eki jaqty nemese kópjaqty formatta bolsyn – Qazaqstannyń qatysýy arqyly júzege asyrylady. Halyqaralyq sarapshylar Qazaqstannyń Eýraziia qurlyǵyndaǵy ekonomikalyq yntymaqtastyqty damytýdaǵy, turaqtylyq pen qaýipsizdikti qamtamasyz etýdegi rólin erekshe atap ótedi. Sondyqtan, kóptegen sarapshylar Qazaqstannyń bastamalaryn odan ári damytýǵa niet bildirip otyr», - dep túiindedi Prezident keńesshisi.
Aita keteiik, Qazaqstan Prezidenti Qasym-Jomart Toqaev jumys saparymen Sochige keldi. Memleket basshysynyń «Valdai» halyqaralyq pikirtalas klýbynyń XVI otyrysyna qatysýy josparlanǵan.
