Vaktsina bolmaǵanda álemde koronnavirýstan 31,4 million adam qaitys bolýy múmkin edi. Bul týraly QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiiasynyń Telegram kanalynda habarlandy.
Kanal málimetterine sensek, biologiia jáne meditsina salasyndaǵy eń bedeldi ǵylymi basylymdardyń biri – britandyq The Lancet jýrnalynda jariialanǵan jańa zertteýge sáikes álem halqyn vaktsinalaý 2020 jyldyń jeltoqsany men 2021 jyldyń jeltoqsany aralyǵynda 20 millionǵa jýyq adamnyń COVID saldarynan bolýy yqtimal ólim jaǵdailarynyń aldyn aldy.
«Matematikalyq modeldeýge súiene otyryp, zertteýshiler vaktsinalaý búkil álem boiynsha ólim sanyn eki esege azaitady degen qorytyndyǵa keldi. Sarapshylardyń pikirinshe, vaktsinatsiiasyz álemde 31,4 million adam koronavirýs infektsiiasynyń áserinen qaitys bolar edi», - delingen habarlamada.
Sondai-aq ótken táýlikte Reseide COVID-19 infektsiiasyn juqtyrǵan 1 102 adamnyń aýrýhanaǵa jatqyzylǵany belgili boldy. Bul aldyńǵy kúndegi 1 202-ge qaraǵanda 8,3%-ǵa azaiǵan, bul týraly koronavirýspen kúres jónindegi jedel shtabtyń habarlamasynda aitylǵan.
Sonymen qatar aýrýhanaǵa jatqyzylǵandardyn sany 38 óńirde ósken, 39 óńirde azaiǵan, qalǵan segizinde jaǵdai ózgermegen.
Sońǵy 24 saǵatta elde koronavirýs juqtyrǵan 3 154 adam tirkeldi. Kúnine 3 225 naýqas jazylyp, 65 adam qaitys bolyp jatyr.
Reseide pandemiianyń búkil kezeńinde 18 412 805 COVID-19 jaǵdaiy tirkelip, 17 839 346 adam aýrýdy jeńip, 380 774 adam qaitys boldy.
