Telegram messendjerinde qazaqstandyqtar bir-birin COVID-19 qarsy vaktsinatsiiadan bas tartqany úshin aiyppul salynatyny týraly eskertýde. Mundai sharalar aǵymdaǵy jyldyń sońynda qabyldana bastaidy eken. Bul feik. Bul týraly stopfake.kz saity habarlady.
QR Densaýlyq saqtaý ministrligi májbúrli vaktsinatsiia jáne odan bas tartqany úshin aiyppuldar salynatyny týraly aqparatty joqqa shyǵardy.
Bizde májbúrli vaktsinatsiia joq jáne bolmaidy da. Biz bul týraly birneshe ret aittyq. Mundai habarlamalar – jalǵan aqparat bolyp tabylady,– dep habarlady vedomstvodan.
Ekpeden bas tartqany nemese vaktsina alýǵa májbúrlegeni úshin aiyppul salý QR zańnamasyna qaishy keledi. «Halyq densaýlyǵy jáne densaýlyq saqtaý júiesi týraly Kodekstiń» 77-babyna sáikes Qazaqstannyń árbir azamaty «emdelýge jáne basqa da meditsinalyq aralasýlardy, onyń ishinde profilaktikalyq ekpelerdi júrgizýge habardar etilgen kelisim berýge nemese olardan bas tartýǵa» quqyly.
Barshańyzdy tek resmi aqparatqa ǵana senýge shaqyramyz! Jańalyqtyń shynaiylyǵyn bizdiń portaldyń kómegimen tekserýge bolady. Ózińizdi qyzyqtyrǵan aqparatty t.me/stopfake_kz Telegram-arnasyna nemese:+7 707 739 5599 WhatsApp nómirine jiberińiz.
