Eshqandai dástúrli dinde vaktsinaǵa tyiym joq, kerisinshe, ol densaýlyq saqtaýǵa degen umtylysty tanytady.
Qaraǵandy oblysynda óńirlik kommýnikatsiialar qyzmeti platformasynda ótken onlain-brifingte din ókilderi islam jáne pravoslavie turǵysynan vaktsinatsiia máselesin talqylady, dep habarlaidy "Ult aqparat".
Qazaqstan musylmandary dini basqarmasynyń Qaraǵandy oblysy boiynsha ókili Baýyrjan Meiirbekuly jáne Qaraǵandy jáne Shahtinsk eparhiiasynyń Krestovozdvijenskii shirkeýi prihodynyń ókili Aleksandr Ýgolkov atap ótkendei, vaktsinatsiia – juqpaly aýrýlardyń aldyn alýdyń tiimdi ádisi jáne islamda da, pravoslaviede de ruqsat etilgen.
«Islamda vaktsinaǵa tyiym salynbaǵan. Din ár adamdy óz ómiri men densaýlyǵyna tiisti qamqorlyq jasaýǵa jáne aýrýdyń aldyn alý joldaryn izdeýge jol silteidi. Bul rette vaktsinada shariǵatpen tyiym salynǵan zattar bolmaýy tiis», – dep atap ótti Baýyrjan Meiirbekuly.
Shirkeý sonymen qatar ómirdi saqtai alatyn vaktsinany qoldaidy, dep atap ótti Aleksandr Ýgolkov.
Spiker Injil ýaǵyzymen Aleýt araldaryna jetken Irkýtsk Áýlie Innokentiidiń ómirinen úzindi keltirdi.
«Araldardyń halqy qaýipti jáne ólimge ákeletin sheshek indetinen zardap shekti. Qudaiǵa senip, barlyǵyn duǵa etýge shaqyrǵan Áýlie turǵyndardy jańadan paida bolǵan vaktsinany saldyrýǵa shaqyrdy. Osylaisha, indettiń taraýy toqtady. Biz qazir koronavirýs infektsiiasynyń ońaishylyqpen ketpeitinin kórip otyrmyz. Ainalamyzdaǵy adamdar áli de aýyryp, ómirden ozyp ta jatyr. Ǵalymdar atap ótkendei, vaktsinatsiia – qaýipti aýrýdyń taralýyn toqtata alatyn birneshe quraldyń biri», – dedi Aleksandr Ýgolkov.
11 tamyzdaǵy jaǵdai boiynsha Qaraǵandy oblysynda vaktsinanyń birinshi komponentin - 427 196 adam, ekinshisin 318 151 turǵyn aldy.
