Elordalyq Alǵashqy meditsinalyq-sanitariialyq kómekti uiymdastyrý bóliminiń basshysy Áliia Ómirzaqova COVID-19 virýsyna qarsy vaktsinalaýdyń aralyq qorytyndysyn aityp berdi, dep habarlaidy QazAqparat.
«Búgingi tańda elordamyzda vaktsinatsiynyń úshinshi aptasy aiaqtaldy. Vaktsinalaý emhanalarda, infektsiialyq statsionarlardyń, jedel meditsinalyq járdem, alǵashqy meditsinalyq sanitarlyq kómek uiymdarynyń, kópbeiindi statsionarlardyń qabyldaý bólimderiniń meditsina qyzmetkerlerine ótkizilýde. Tiisti kontingent ishinde 6 300 adamnyń 1 980-i vaktsina aldy. Olardyń arasynda asqyný anyqtalǵan joq. Qazirgi ýaqytta vaktsinatsiia reseilik «Gam-KOVID-Vak» vaktsinasymen júrip jatyr. Preparat eki komponentti, úsh apta aralyqpen eki ret egiledi», - dedi Áliia Ómirzaqova Nur-Sultan qalasynyń ákimdiginde ótken onlain brifirngte.
Ekinshi komponentpen vaktsinalaý 22 aqpanda bastalady. Vaktsinatsiia tolyq kýrstan keiin bir jarym ai ishinde aǵzanyń immýndyq reaktsiiasyn týdyrady. Sondyqtan vaktsina alǵan adamdarǵa aldyn alý sharalaryn saqtaýdy jalǵastyrý qajet.
«Vaktsinanyń kelesi jetkizilimi aqpan aiynyń sońynda kútilýde. Vaktsinanyń jańa partiiasy kelip túsken ýaqytta meditsina qyzmetkerlerin egýdi jalǵastyramyz. Sondai-aq, pedagogtardy, kúsh qurylymdary qyzmetkerlerin, sozylmaly aýrýy barlardy jáne basqalardy kezeń-kezeńimen egýdi bastaimyz. Alǵashqy meditsinalyq-sanitariialyq kómek uiymdaryna vaktsinatsiia júrgizý úshin egý kabinetteri, kútý zaldary ázirlendi. Vaktsina alǵan adamdar 30 minýt boiy dáriger baqylaýynda bolýy tiis. Vaktsinalardy tasymaldaýǵa arnalǵan 20 muzdatqysh jáne 82 termokonteiner bar. Qosymsha 22 muzdatqysh qondyrǵy satyp alyndy. Bul qajettilikti tolyǵymen jabady. Barlyq tiisti tulǵalar koronavirýsqa qarsy vaktsinany tirkelgen emhanalarda tegin ala alady», - dedi Áliia Ómirzaqova.
