QR DSM Sanitariialyq-epidemiologiialyq baqylaý komitetiniń tóraǵasy Aijan Esmaǵambetova vaktsinatsiia men PTR-testileýden bas tartqan qyzmetkerlerge qandai sharalar qoldanylatynyn aityp berdi, dep habarlaidy QazAqparat.
«Aldaǵy ýaqytta birqatar sanattaǵy adamdardy vaktsinalaý boiynsha mindetti talap bolatynyn bilemiz. Bul Bas memlekettik sanitarlyq dárigerdiń qaýlysynda jazylady. Bas memlekettik sanitarlyq dárigerdiń qaýlysyn buzǵany úshin Ákimshilik quqyqbuzýshylyqtar týraly kodekske sáikes ákimshilik jaýapkershilik qarastyrylǵan», - dep jaýap berdi Aijan Esmaǵambetova Ortalyq kommýnikatsiialar qyzmetinde tilshi suraǵyna.
Onyń aitýynsha, ákimshilik jaýapkershilik jeke tulǵalar úshin de (5 AEK - 14 585 teńge), zańdy tulǵalar úshin de qarastyrylǵan. Jumys berýshiler de bul talaptardy oryndamasa, ákimshilik jaýapkershilikke tartylýy múmkin.
«Árbir jumys berýshi memlekettik dárigerdiń qaýlysyn qalai oryndaitynyn anyqtaýy kerek. Biz úshin onyń oryndalýy mańyzdy», - dedi Aijan Esmaǵambetova.
