قر دسم سانيتارييالىق-ەپيدەميولوگييالىق باقىلاۋ كوميتەتٸنٸڭ تٶراعاسى ايجان ەسماعامبەتوۆا ۆاكتسيناتسييا مەن پتر-تەستٸلەۋدەن باس تارتقان قىزمەتكەرلەرگە قانداي شارالار قولدانىلاتىنىن ايتىپ بەردٸ, دەپ حابارلايدى قازاقپارات.
«الداعى ۋاقىتتا بٸرقاتار ساناتتاعى ادامداردى ۆاكتسينالاۋ بويىنشا مٸندەتتٸ تالاپ بولاتىنىن بٸلەمٸز. بۇل باس مەملەكەتتٸك سانيتارلىق دەرٸگەردٸڭ قاۋلىسىندا جازىلادى. باس مەملەكەتتٸك سانيتارلىق دەرٸگەردٸڭ قاۋلىسىن بۇزعانى ٷشٸن ەكٸمشٸلٸك قۇقىقبۇزۋشىلىقتار تۋرالى كودەكسكە سەيكەس ەكٸمشٸلٸك جاۋاپكەرشٸلٸك قاراستىرىلعان», - دەپ جاۋاپ بەردٸ ايجان ەسماعامبەتوۆا ورتالىق كوممۋنيكاتسييالار قىزمەتٸندە تٸلشٸ سۇراعىنا.
ونىڭ ايتۋىنشا, ەكٸمشٸلٸك جاۋاپكەرشٸلٸك جەكە تۇلعالار ٷشٸن دە (5 اەك - 14 585 تەڭگە), زاڭدى تۇلعالار ٷشٸن دە قاراستىرىلعان. جۇمىس بەرۋشٸلەر دە بۇل تالاپتاردى ورىنداماسا, ەكٸمشٸلٸك جاۋاپكەرشٸلٸككە تارتىلۋى مٷمكٸن.
«ەربٸر جۇمىس بەرۋشٸ مەملەكەتتٸك دەرٸگەردٸڭ قاۋلىسىن قالاي ورىندايتىنىن انىقتاۋى كەرەك. بٸز ٷشٸن ونىڭ ورىندالۋى ماڭىزدى», - دەدٸ ايجان ەسماعامبەتوۆا.
