Vaktsina alǵan adamdardyń 0,4 paiyzynda bolýy múmkin reaktsiialar tirkeldi. Bul týraly QR DSM Qoǵamdyq densaýlyq saqtaý ulttyq ortalyǵynyń «Sanitariialyq-epidemiologiialyq saraptama jáne monitoring ǵylymi- praktikalyq ortalyǵy» filialy direktorynyń orynbasary Manar Smaǵul málim etti, dep habarlaidy QazAqparat.
«Vaktsinanyń birinshi komponentin saldyrǵan sozylmaly aýrýy bar adamdar sany 32 314-ke jetti. Vaktsinalaýdyń tolyq kýrsyn (ekinshi komponentin) alǵan osy sanattaǵy sozylmaly aýrýy bar adamdardyń sany 8 397-ni qurady», - dedi Smaǵul Ortalyq kommýnikatsiialar qyzmetinde.
Onyń aitýynsha, 60 jastan asqan adamdardyń arasynda immýndaý kýrsyn 121 myńnan astam adam bastady jáne onyń tolyq komponentin 8 myńy aiaqtady.
«Qazirgi kezde immýndaýdan keiin kúrdeli qolaisyz belgiler tirkelmedi. Sonymen birge, vaktsina alǵan adamdardyń 0,4 paiyzynda bolýy múmkin reaktsiialar tirkeldi, iaǵni temperatýra, ekpe jasaǵan jerdiń qyzarýy men aýyrsynýy sekildi jalpy belgiler baiqaldy», - dedi Manar Smaǵul.
