Qazaqstannyń klinikalyq jáne irgeli meditsina akademigi, Asfendiiarov atyndaǵy QazUMÝ epidemiologiia kafedrasynyń professory, Qazaq meditsinalyq úzdiksiz bilim berý ýniversitetiniń professory Sáken Ámireev onlain brifing barysynda vaktsinatsiiaǵa senimsizdik tanytý durys emes ekenin aitty, dep habarlaidy QazAqparat.
Professor vaktsinanyń tiimdiligine senbeitinderge júgindi. Onyń aitýynsha, sheshekke qarsy vaktsina jasaý kezinde de oǵan qarsy shyqqandar bolǵan. Alaida, jappai vaktsinatsiianyń arqasynda ǵana sheshek aýrýyn jeńý qoldan keldi.
«Vaktsinatsiiaǵa senimsizdik tanytý jasandy túrde qoldan jasalyp otyr. Ekpege qarsy úndeitin toptar bar. Ondai adamdar 1790 jyldary aýrý taraǵan kezde de bolǵan. Qazir de vaktsinaǵa qarsy shyǵatyndar bar. Degenmen kóptegen indetti bastan ótkizgen el retinde buǵan túsinistikpen qaraýymyz kerek. Jalpy adamzat soǵystan emes, túrli infektsiialyq aýrýdan kóp ólgen. Sondyqtan vaktsina alýdan qoryqpaýymyz kerek», - dedi ol.
Sonymen qatar, ol Qazaqstanda bala týǵanda birneshe vaktsina salynatynyn atap ótti. Buryn týberkýlezge qarsy vaktsina birneshe ret salynyp kelse, qazir eki ret qana salynady eken. Al koronavirýsqa qarsy vaktsinanyń eki dozasyn salýǵa ruqsat berilgen.
«Koronavirýspen aýyryp-jazylǵan adamdar vaktsinatsiia alýdy keshiktirmeýi kerek, óitkeni olardyń antideneleri vaktsinatsiia alǵannan keiingi siiaqty kúshti bolmaidy. Shyndyǵynda, basqa aýrýlarda adamdarda immýnitet qalyptasady, biraq koronavirýs jaǵdaiynda olai emes. KVI aýrýynan keiin jaqsy immýnitet qalyptaspaidy. Kóptegen qazaqstandyqtar aýyr formasymen aýyrdy, bul klinikalyq turǵydan dáleldendi. Mundai adamdar qaitadan juqtyrýlary múmkin, olardyń infektsiiadan keiingi qorǵanys antideneleri álsiz keledi. Olar jad jasýshalary qalyptasady, biraq sonymen birge antideneler azaiady. Ázirge búkil álemdik qaýymdastyq vaktsinany eki ret engizý kerek degenge toqtady», - deidi Sáken Ámireev.
