Pandemiiamen kúresý úshin ujymdyq immýnitetti qalyptastyrý qajet. Buǵan tek vaktsinatsiia arqyly qol jetkizýge bolady. Bul týraly Qaraǵandy meditsina ýniversitetiniń qaýymdastyrylǵan professory, infektsionist-dáriger Anna Knaýs aitty, dep habarlaidy QazAqparat.
Spikerdiń aitýynsha, koronavirýspen aýyratyn naýqastarda aýrýmen kúresýge yqpal etetin jady jasýshalary bar bolǵany 3-6 aiǵa belsendi bolady. Sodan keiin olar deneni qorǵaýdy toqtatady, sondyqtan koronavirýs qaitalanady nemese kovidtiń uzaq aǵymynyń qubylystary paida bolady.
«Bizdiń aǵzamyz koronavirýspen ózdiginen kúresip, bizdi aýrýdan qorǵaityn jetkilikti mólsherde jasýshalar jasai almaityny belgili boldy. Biz áli ujymdyq immýnitetke qol jetkize almadyq. Mundai jaǵdailarda vaktsinatsiianyń qajettiligi aiqyndai túsedi. Iaǵni, biz vaktsinalardy engizý arqyly jasandy immýnitetti qurý kezeńine kóshtik», - deidi Anna Knaýs Óńirlik kommýnikatsiialar qyzmetiniń alańynda ótken brifing barysynda.
Vaktsina jasaý tehnologiiasy búkil álemde birdei. Nólden bastap birde-bir el vaktsina jasaǵan emes.
«Vaktsinalardyń maqsaty birdei. Olardyń barlyǵy koronavirýspen kúresýge baǵyttalǵan. Gamaleia institýtynyń málimeti boiynsha, Spýtnik V vaktsinasynyń birinshi komponentin alǵannan keiin bizdiń aǵzamyzda 3-6 aiǵa deiin áreket etetin qorǵanys jasýshalarynyń alǵashqy qory jasaqtalady. Tolyq vaktsinatsiiadan keiin qorǵanys tosqaýyly eki jylǵa deiin sozylýy múmkin», - dedi Anna Knaýs.
