پاندەمييامەن كٷرەسۋ ٷشٸن ۇجىمدىق يممۋنيتەتتٸ قالىپتاستىرۋ قاجەت. بۇعان تەك ۆاكتسيناتسييا ارقىلى قول جەتكٸزۋگە بولادى. بۇل تۋرالى قاراعاندى مەديتسينا ۋنيۆەرسيتەتٸنٸڭ قاۋىمداستىرىلعان پروفەسسورى, ينفەكتسيونيست-دەرٸگەر اننا كناۋس ايتتى, دەپ حابارلايدى قازاقپارات.
سپيكەردٸڭ ايتۋىنشا, كوروناۆيرۋسپەن اۋىراتىن ناۋقاستاردا اۋرۋمەن كٷرەسۋگە ىقپال ەتەتٸن جادى جاسۋشالارى بار بولعانى 3-6 ايعا بەلسەندٸ بولادى. سودان كەيٸن ولار دەنەنٸ قورعاۋدى توقتاتادى, سوندىقتان كوروناۆيرۋس قايتالانادى نەمەسە كوۆيدتٸڭ ۇزاق اعىمىنىڭ قۇبىلىستارى پايدا بولادى.
«بٸزدٸڭ اعزامىز كوروناۆيرۋسپەن ٶزدٸگٸنەن كٷرەسٸپ, بٸزدٸ اۋرۋدان قورعايتىن جەتكٸلٸكتٸ مٶلشەردە جاسۋشالار جاساي المايتىنى بەلگٸلٸ بولدى. بٸز ەلٸ ۇجىمدىق يممۋنيتەتكە قول جەتكٸزە المادىق. مۇنداي جاعدايلاردا ۆاكتسيناتسييانىڭ قاجەتتٸلٸگٸ ايقىنداي تٷسەدٸ. ياعني, بٸز ۆاكتسينالاردى ەنگٸزۋ ارقىلى جاساندى يممۋنيتەتتٸ قۇرۋ كەزەڭٸنە كٶشتٸك», - دەيدٸ اننا كناۋس ٶڭٸرلٸك كوممۋنيكاتسييالار قىزمەتٸنٸڭ الاڭىندا ٶتكەن بريفينگ بارىسىندا.
ۆاكتسينا جاساۋ تەحنولوگيياسى بٷكٸل ەلەمدە بٸردەي. نٶلدەن باستاپ بٸردە-بٸر ەل ۆاكتسينا جاساعان ەمەس.
«ۆاكتسينالاردىڭ ماقساتى بٸردەي. ولاردىڭ بارلىعى كوروناۆيرۋسپەن كٷرەسۋگە باعىتتالعان. گامالەيا ينستيتۋتىنىڭ مەلٸمەتٸ بويىنشا, سپۋتنيك V ۆاكتسيناسىنىڭ بٸرٸنشٸ كومپونەنتٸن العاننان كەيٸن بٸزدٸڭ اعزامىزدا 3-6 ايعا دەيٸن ەرەكەت ەتەتٸن قورعانىس جاسۋشالارىنىڭ العاشقى قورى جاساقتالادى. تولىق ۆاكتسيناتسييادان كەيٸن قورعانىس توسقاۋىلى ەكٸ جىلعا دەيٸن سوزىلۋى مٷمكٸن», - دەدٸ اننا كناۋس.
