Qazaqstanda vaktsina jetkizý kestege sáikes júrgizilip jatyr. Bul týraly QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Qazirgi ýaqytta Qazaqstanda vaktsina jetkizý kestege sáikes júrgizilip jatqanyn atap ótý óte mańyzdy. Búginde óńirlerge shamamen 6,2 mln vaktsina dozasy jetkizildi. Qazir 2 587 884 adam 1-komponentti aldy. Bul ekpe alýǵa jatatyn halyqtyń 26 paiyzyn quraidy. Ekinshi komponent 1 480 309 adamǵa salyndy», - dedi ministr Ortalyq kommýnikatsiialar qyzmetindegi baspasóz máslihaty barysynda.
Onyń dereginshe, respýblikada vaktsinanyń 1 mln-nan astam birinshi jáne 1 mln-nan astam ekinshi komponent qaldyq dozasy bar.
«Jetkizý kestesi naqty bekitilgen. Biz vaktsinany jaramdylyq merzimimen kezeń-kezeńmen alyp jatyrmyz. Qazirge deiin úlken úgit jumysy júrgizildi. Óńirlermen, memlekettik organdarmen birge aimaqtyq jáne ortalyq buqaralyq aqparat quraldarynda 3,5 myńnan astam jariialanym, 17 myń material jaryq kórdi», - dedi Aleksei Tsoi.
