Vaktsina saldyrǵan 31 jastaǵy aqtóbelik kólik utyp aldy, dep habarlaidy QazAqparat.
«Meniń tórt qyzym bar. Ózimniń ǵana emes, otbasymnyń amandyǵy úshin vaktsina saldyrdym. Ózim taý-ken salasynda jumys isteimin, al kelinshegim bala kútimimen úide otyr. Demek, adamdarmyn bailanysta bolatyn ózim. Sondyqtan vaktsina týraly aitqan kezde aýyldaǵy emhanaǵa baryp, immýndaý sharasyna qatystym. 2 tamyzda vaktsina saldyrǵan kezde birden utysqa qatysatynymdy aitty. Shynymdy aitsam, oǵan mán bermedim», - dedi Qarǵaly aýdany, Qosestek aýylynyń turǵyny Artem Chepkii.
Ol jumysta júrgen kezde bailanys aiasynan tys bolǵanyn, súiinshi habardy birer kúnnen keiin ǵana estigenin aitty.
«Estigen kezde senbedim. Birer kúnnen soń habarlasyp, quttyqtady. Qolyma kilti tigende ǵana senip turmyn. Vaktsina saldyrý – mindet. Biz osy arqyly qorǵanamyz, aýyrmaimyz. Jaqynymyzdy joǵaltqymyz kelmese, immýndaý sharasyna beijai qaramaǵanymyz abzal», - dedi Artem Chepkii.
Aqtóbe oblysy boiynsha 522 myńnan astam adam vaktsina saldyrýy tiis. Onyń 208 myńnan astamy eki komponentin de qabyldady.
