ۆاكتسينا سالدىرعان 31 جاستاعى اقتٶبەلٸك كٶلٸك ۇتىپ الدى, دەپ حابارلايدى قازاقپارات.
«مەنٸڭ تٶرت قىزىم بار. ٶزٸمنٸڭ عانا ەمەس, وتباسىمنىڭ اماندىعى ٷشٸن ۆاكتسينا سالدىردىم. ٶزٸم تاۋ-كەن سالاسىندا جۇمىس ٸستەيمٸن, ال كەلٸنشەگٸم بالا كٷتٸمٸمەن ٷيدە وتىر. دەمەك, ادامدارمىن بايلانىستا بولاتىن ٶزٸم. سوندىقتان ۆاكتسينا تۋرالى ايتقان كەزدە اۋىلداعى ەمحاناعا بارىپ, يممۋنداۋ شاراسىنا قاتىستىم. 2 تامىزدا ۆاكتسينا سالدىرعان كەزدە بٸردەن ۇتىسقا قاتىساتىنىمدى ايتتى. شىنىمدى ايتسام, وعان مەن بەرمەدٸم», - دەدٸ قارعالى اۋدانى, قوسەستەك اۋىلىنىڭ تۇرعىنى ارتەم چەپكيي.
ول جۇمىستا جٷرگەن كەزدە بايلانىس اياسىنان تىس بولعانىن, سٷيٸنشٸ حاباردى بٸرەر كٷننەن كەيٸن عانا ەستٸگەنٸن ايتتى.
«ەستٸگەن كەزدە سەنبەدٸم. بٸرەر كٷننەن سوڭ حابارلاسىپ, قۇتتىقتادى. قولىما كٸلتٸ تيگەندە عانا سەنٸپ تۇرمىن. ۆاكتسينا سالدىرۋ – مٸندەت. بٸز وسى ارقىلى قورعانامىز, اۋىرمايمىز. جاقىنىمىزدى جوعالتقىمىز كەلمەسە, يممۋنداۋ شاراسىنا بەيجاي قاراماعانىمىز ابزال», - دەدٸ ارتەم چەپكيي.
اقتٶبە وبلىسى بويىنشا 522 مىڭنان استام ادام ۆاكتسينا سالدىرۋى تيٸس. ونىڭ 208 مىڭنان استامى ەكٸ كومپونەنتٸن دە قابىلدادى.
