Elorda turǵyndary halyqty tek óziniń ǵana emes, ózgelerdiń de densaýlyǵyn qorǵaý úshin jaqyn arada vaktsinatsiiadan ótýge shaqyrady. Osylaisha, ujymdyq immýnitet qalyptasady, bul karantin men shekteý sharalarynsyz ómirge qaita oralýǵa múmkindik beredi, dep habarlaidy Nur-Sultan ákimdiginiń resmi saity.
Elordada epidemiologiialyq ahýal áli de turaqsyz. Infektsiia juqtyrǵandar sany kóp. COVID-19 juqtyrǵandar qatarynyń azaiǵanyna qaramastan, Nur-Sultan epidemiologiialyq jaǵdaidy baǵalaý boiynsha «qyzyl» aimaqta qalyp otyr. Bul jaǵdaidan shyǵýdyń jalǵyz kepildendirilgen joly ekpe bolyp sanalady.
«Pandemiia eki jylǵa jýyq ýaqytqa sozyldy. Úmit úzilýge shaq qalǵanda vaktsina jasap shyǵardy, endi, men otbasymnyń qaýipsizdigi men densaýlyǵyna alańdamaimyn. Máselen, qazir olarmen saiabaqta erkin júre alamyn», - dedi Nur-Sultan qalasynyń turǵyny Marlen Azamatuly.
Pandemiia qyzmet kórsetý salasynyń jumysyna da áser etti. Májbúrli karantindik shekteýler kásipkerlik obektileriniń ǵana emes, sondai-aq olardyń qyzmetkerleriniń tabys deńgeiine de keri áserin tigizdi. Elordanyń qoǵamdyq tamaqtaný mekemeleriniń qyzmetkerleri de azamattardy múmkindiginshe tezirek vaktsinatsiiadan ótip, qalypty ómirge oralýǵa shaqyrady.
«Ekpeniń arqasynda biz qonaqtarymyz ben ózimizdiń densaýlyǵymyz úshin alańdamaimyz. Jaqyn arada biz qandai da bir shekteýsiz tolyq qýatta jumys istei alamyz dep úmittenemin jáne soǵan senemiz», - dedi «Kóktem» kafesiniń daiashysy Zinaida Timoshina.
Pandemiia bastalǵannan beri ásirese, dárigerler men medbikelerge úlken kúsh tústi. Meditsina mekemeleriniń qyzmetkerleri ekinshi jyl qatarynan patsientterdiń densaýlyǵy men ómiri úshin kún saiyn kúresip keledi. Endi ekpe siiaqty qýatty qarý paida bolǵannan keiin, olar qaýipti infektsiiadan qorǵanýdyń bul jolyn tezirek qoldanýǵa shaqyrady.
«Vaktsinatsiia – bul qazirgi jaǵdaidan shyǵýdyń birden-bir joly. Tek koronavirýstyq infektsiiaǵa qarsy vaktsinatsiia bizge qaýipsizdikti jáne qalypty ómirge oralýdy qamtamasyz ete alady. Men barshańyzdy birigýge jáne ujymdyq immýnitet qalyptastyrýǵa shaqyramyn», - dedi №7 qalalyq emhananyń terapevti Áliia Óskenbekova.
Aita ketý kerek, búgingi tańda elordada COVID-19 virýsyna qarsy ekpeniń birinshi komponentin 416 500 azamat aldy, al 355 myńnan astam adam tolyq immýndaýdan ótti.
