Nur-Sultan qoǵamdyq densaýlyq saqtaý basqarmasy basshysynyń orynbasary Áliia Rústemova qala aýmaǵynyda qosymsha ekpe pýnkteri ashý múmkindigi týraly aitty, dep habarlaidy QazAqparat.
«Egý pýnkteri ashylǵan saýda ortalyqtary men bazarlarǵa keletin bolsaq, búginde olar qala boiynsha jetkilikti dep oilaimyn. Aýrý qaýpi vaktsinalaý júrgizgen kezge qaraǵanda joǵary. Saýda ortalyqtaryna vaktsinalaýǵa kóp adam kelip jatqan joq. Kúnine 28 adam shamasynda ǵana. Bul jetkiliksiz ekenin túsinikti shyǵar. Senbi-jeksenbide barlyq saýda ortalyqtary ashyq, osy kúnderi adamdar kóp kirgenimen, tek 28 adam vaktsinatsiialanǵan. Sondyqtan, ázirge qosymsha egý pýnkterin ashpaimyz dep oilaimyn», - dedi qalalyq qoǵamdyq densaýlyq saqtaý basqarmasy basshysynyń orynbasary.
Áliia Rústemova saýda ortalyqtaryndaǵy egý beketterinde aýrý juqtyrý qaýpi týraly boljamdarǵa pikir bildirdi.
«Men buǵan kelispeimin. Saýda-oiyn-saýyq ortalyqtaryndaǵy jáne bazarlardaǵy barlyq egý pýnkteri sanitarlyq talaptardy saqtai otyryp ashylǵan. Jumys sanitarlyq-epidemiologiialyq baqylaý departamentimen birlesip júrgizildi. Qorytyndy mindetti túrde beriledi. Departament qyzmetkerleri nysan basshylaryna barlyq qajetti sharttardy saqtaý úshin nusqaý berip otyr», - dedi maman.
