QR densaýlyq saqtaý ministrligi koronavirýsqa qarsy vaktsinany tolyq alǵandarǵa qandai basymdyq beriletinin túsindirdi, dep habarlaidy "Ult aqparat".
«QR Bas memlekettik sanitariia dárigeriniń qaýlysymen 3 mamyrdan bastap KVI-ge qarsy vaktsinanyń tolyq kýrsyn alǵan adamdar úshin birqatar shekteýlerdi alyp tastaý kózdelgen. Bul rette COVID-19 naýqastarymen bailanysta bolǵan adamdar oqshaýlanbaidy, biraq olarǵa meditsinalyq baqylaý qamtamasyz etiledi. Keńse qyzmetkerleri qashyqtan jumys isteý formatyna aýystyrylmaidy», - dep jaýap berdi ministrliktiń baspasóz qyzmeti.
Sondai-aq, QR aýmaǵynda alynǵan COVID-19-ǵa qarsy vaktsinalaýdyń tolyq kýrsy bolsa, azamattardyń PTR testileýsiz QR Memlekettik shekarasyn kesip ótýine, statsionarǵa emdeýge jatqyzýdyń kez kelgen túrinde, uiymdasqan ujymdarǵa barǵanda, vahtalyq jumyskerlerge, demalystan, issapardan keiin, aýrýyna bailanysty jumys ornynda bolmaýdan keiin meditsina qyzmetkerlerine, meditsinalyq JOO-lar men kolledjderdiń stýdentterine ruqsat etiledi.
«QR Bas memlkettik sanitariia dárigeriniń qaýlysyna sáikes, COVID-19-ǵa qarsy vaktsinalaýdyń tolyq kýrsyn alǵany qujatpen rastalsa, COVID-19-ben aýyratyn naýqaspen bailanysta bolǵan adamdar oqshaýlaýǵa (úi karantinge) jatpaidy», - deidi Densaýlyq saqtaý ministrligi.
